«كوlesا.kz» قوسىمشاسىندا اۆتوكولىك بولشەكتەرىن ساتۋ تۋرالى جالعان حابارلاندىرۋلار جاريالاعان ازاماتشا ۇستالدى، دەپ حابارلايدى «ادىرنا» ۇلتتىق پورتالى قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتىنە سىلتەمە جاساپ.
ول جابىرلەنۋشىلەرگە اۆتوكولىكتەردىڭ قوسالقى بولشەكتەرىن ءارتۇرلى قالالارعا جىبەرۋگە ۋادە بەرگەن. قىلمىستىق نيەتتەرىن جاسىرۋ ماقساتىندا ولارعا بانكتىك دەرەكتەمەلەر مەن جالعان ساتىپ الۋ شارتتارىن جىبەرىپ، اقشا قاراجاتىن العان. كەيىن تەلەفون قوڭىراۋلارىنا جاۋاپ بەرۋدى توقتاتقان. وسىلايشا، سوتتالۋشى 32 ازاماتتى الداپ، ولاردىڭ 4,8 ملن تەڭگەدەن استام قاراجاتىن يەمدەنگەن.
ونىڭ كىناسى تولىق دالەلدەنىپ، سوت ۇكىمىمەن وعان 3 جىلعا باس بوستاندىعىنان ايىرۋ جازاسى تاعايىندالدى. سوتتالعاننان جابىرلەنۋشىلەردىڭ پايداسىنا كەلتىرىلگەن ماتەريالدىق زالال ءوندىرىلدى. ۇكىم زاڭدى كۇشىنە ەندى.
