قىتاي بيلىگى اۋعانستانعا 200 ميلليون يۋان (شامامەن 30 ميلليون دوللار) كولەمىندە شۇعىل كومەك كورسەتەدى. بۇل تۋرالى قىتاي سىرتقى ىستەر ءمينيسترى ۆان ي مالىمدەدى، دەپ حابارلايدى تاسس.
ديپلومات يران، پاكىستان، تاجىكستان، تۇرىكمەنستان جانە وزبەكستان سىرتقى ىستەر مينيسترلەرى قاتىسقان ونلاين -كەزدەسۋدە سويلەدى. ول كومەك اۋعان حالقىنىڭ قاجەتتىلىكتەرىنە بايلانىستى كورسەتىلەتىنىن اتاپ ءوتتى. قىتاي ءسىم باسشىسىنىڭ ايتۋىنشا، بەيجىڭ اۋعانستانعا ازىق -تۇلىك، قىسقى تاۋارلار، ۆاكتسينالار مەن ءدارى -دارمەكتەر جىبەرەدى.
«قاجەت جاعدايلار تۋىنداعان كەزدە، سونىڭ ىشىندە قاۋىپسىزدىك سالاسىندا قىتاي اۋعانستانعا قايتا قالپىنا كەلتىرۋگە جانە حالىقتىڭ ءال-اۋقاتىن جاقسارتۋعا باعىتتالعان جوبالاردى ىسكە اسىرۋعا كومەكتەسەدى»،-دەپ قوستى ول.
بۇعان دەيىن پاكىستان ءسىم سارسەنبىدە قىتاي، يران، پاكىستان، تاجىكستان، تۇرىكمەنستان جانە وزبەكستان سىرتقى ىستەر مينيسترلىك باسشىلارىنىڭ ونلاين -كەزدەسۋى ۇيىمداستىرىلعانىن حابارلاعان.
كونسۋلتاتسيالار تەك تاليبان راديكالدى قوزعالىسىنىڭ مۇشەلەرى كىرەتىن اۋعانستاننىڭ ۋاقىتشا ۇكىمەتىنىڭ قۇرامى جاريالانعان كۇننىڭ ەرتەڭىندە بولدى.
بۇعان دەيىن قىتاي سىرتقى ىستەر مينيسترلىگىنىڭ وكىلى ۆان ۆەنبين حالىقارالىق قاۋىمداستىق كۇش -جىگەردى بىرىكتىرىپ، اۋعانستانداعى داعدارىستى شەشۋدە باسا نازار اۋدارۋ كەرەكتىگىن ايتتى.
