بۇگىنگى كۇننىڭ باتىرلارى: ەلوردالىق قۇتقارۋشىلار قالاي جۇمىس ىستەيدى

2217
Adyrna.kz Telegram
https://adyrna.kz/content/uploads/2023/10/img_7105.jpeg

قازاقستاندا 19 قازاندا قۇتقارۋشىلار كۇنى اتاپ وتىلەدى. ەلورداداعى كوممۋنيكاتسيالار قىزمەتىندە وتكەن بريفينگتە قالالىق تجد مەملەكەتتىك ءورت باقىلاۋ باسقارماسىنىڭ باستىعى ەركىن وتارعالىمۇلى قۇتقارۋ قىزمەتى تۋرالى ايتىپ بەردى. بۇل تۋرالى استانا اكىمدىگى مالىمدەدى، دەپ حابارلايدى «ادىرنا» ۇلتتىق پورتالى.

قازىرگى ۋاقىتتا استانادا 18 ءورت ءسوندىرۋ بولىمشەسى جۇمىس ىستەيدى. استانا اكىمدىگى كوكتال كوشەسى اۋدانىندا، ۇركەر تۇرعىن الابىندا، جانقوجا باتىر جانە دوسپامبەت جىراۋ كوشەلەرى اۋدانىندا، №28 كوشە بويىندا، ينتەرناتسيونالنىي جانە تەلمان ەلدى مەكەندەرىندە بەس ءورت ءسوندىرۋ دەپوسىن سالىپ جاتىر. بۇدان باسقا، استانا قالاسى اكىمدىگىنىڭ قۇرىلىس باسقارماسى جسق ازىرلەۋ، مەملەكەتتىك ساراپتاما جۇرگىزۋ جانە قىزمەتتىڭ 7 وبەكتىسىن ودان ءارى رەكونسترۋكتسيالاۋ بويىنشا جۇمىس جۇرگىزۋدە.
«ەلوردالىق تجد-دا 205 بىرلىك تەحنيكا بار. 2021 جىلى قالا اكىمدىگى 48 نەگىزگى جانە ارنايى تەحنيكا ساتىپ الدى. تجد تەحنيكاسىمەن ماتەريالدىق-تەحنيكالىق جاراقتاندىرۋ 100% قۇرايدى. استانا قالاسى توتەنشە جاعدايلار دەپارتامەنتىنىڭ باستى ەڭبەگى – ادامدار. ءبىز قۇتقارۋشىلارىمىزدى ماقتان تۇتامىز. ادام ءومىرى مەن مۇلكىن قۇتقارا وتىرىپ، كاسىبي بورىشىن ورىنداپ، ءومىرىن قاتەرگە تىگەتىن ماماندارىمىزدى ماڭگى جادىمىزدا ساقتايمىز»، - دەپ اتاپ ءوتتى سپيكەر.
قازىر ەلوردانىڭ قاۋىپسىزدىك كۇزەتىندە ەكى مىڭنان استام قىزمەتكەر ەڭبەك ەتىپ ءجۇر. دەپارتامەنت سونداي-اق مەملەكەتتىك ءورت باقىلاۋ قىزمەتىن جۇزەگە اسىرادى، تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جانە ولاردى جويۋ سالاسىنداعى مەملەكەتتىك ساياساتتى ىسكە اسىرادى. قىزمەتكەرلەر سۋ تاسقىنى، كوماندالىق-شتابتىق جاتتىعۋلار وتكىزۋ بويىنشا قاۋىپتى ۋچاسكەلەردىڭ، ايماقتار مەن وشاقتاردىڭ مونيتورينگىن جۇزەگە اسىرۋعا قاتىسادى. جىل سايىن ەلوردالىق گارنيزون بولىمشەلەرى ورتا ەسەپپەن 4000-نان استام وقيعا ورنىنا شىعادى، 600-دەن استام ءورتتى سوندىرەدى، مىڭداعان ادامدى قۇتقارادى جانە ەۆاكۋاتسيالايدى.  كەزەكشى تاۋلىكتە 101 جانە 112 قىزمەتكە 1000-نان استام قوڭىراۋ تۇسەدى. تەك 9 ايدىڭ ىشىندە ەلوردالىق قۇتقارۋشىلار دابىل بويىنشا 4242 رەت جولعا شىقتى. ءورت ءسوندىرۋ جانە اۆاريالىق-قۇتقارۋ جۇمىستارىن جۇرگىزۋ كەزىندە كەزەكشى قاراۋىلداردىڭ جەكە قۇرامىمەن 257 ادام قۇتقارىلدى، قاۋىپسىز ايماققا 378 ادام ەۆاكۋاتسيالاندى. سونىمەن قاتار بيىل ەلوردالىق ءورت سوندىرۋشىلەر ارىپتەستەرىنە قوستاناي وبلىسىنداعى ورتكە قارسى كۇرەستە، اباي وبلىسىنداعى ورمان ءورتىن سوندىرۋگە جانە پاۆلودار وبلىسىنداعى «ەرتىس ورمانى» رەزەرۆاتىندا كومەك كورسەتتى. سونداي-اق جەدەل-قۇتقارۋ جاساعىنىڭ قۇتقارۋشىلارى اپاتتى جەر سىلكىنىسىنەن زارداپ شەككەندەرگە كومەك كورسەتۋ ءۇشىن تۇركيا رەسپۋبليكاسىنا باردى.
«قىسقا ۋاقىت ىشىندە ءبىز ورتپەن كۇرەسۋدىڭ الدىڭعى قاپتالىندا ءوز مىندەتتەرىن اتقارعان قىزمەتكەرلەردەن ايىرىلدىق. ولار باتىلدىق پەن تاباندىلىق تانىتۋ ارقىلى ادامداردىڭ ءومىرىن ساقتاپ قالدى. ءبىز ولاردىڭ ەسىمدەرىن ماڭگى ەسىمىزدە ساقتايمىز. وسىنداي باتىرلاردىڭ ءبىرى – 2022 جىلدىڭ قاراشا ايىندا قىزمەتتىك بورىشىن وتەۋ كەزىندە قازا تاپقان ەلوردالىق ءورت ءسوندىرۋشى اسقار زابيكۋلين. اسقاردىڭ باتىل ارەكەتىنىڭ ارقاسىندا ادام ءومىرى ساقتالدى»، - دەدى سپيكەر بريفينگتە.
ايتا كەتەيىك، بىرەر كۇن بۇرىن ەلورداداعى ۇركەر شاعىن اۋدانىندا اسقار زابيكۋلين اتىنداعى كوشە اشىلدى. بۇگىن قۇتقارۋشىلار اللەياسىندا قىزمەتتىك مىندەتىن اتقارۋ كەزىندە قازا تاپقان قىزمەتكەرلەردى ەسكە الۋ ءىس-شاراسى ءوتتى.

«ادىرنا» ۇلتتىق پورتالى

پىكىرلەر