فرانتسياداعى «ۇلتتىق بىرلەستىك» ءىرى پارتياسىنىڭ جەتەكشىسى مارين لە پەنگە قاتىستى سوت پروتسەسى باستالدى. ول ەۋرووداق قارجىسىن جىمقىردى دەپ ايىپتالىپ وتىر، دەپ حابارلايدى «ادىرنا» ءتىلشىسى.
ساياساتكەرمەن قاتار پارتيانىڭ باسقا 23 مۇشەسى دە قارجىلىق زاڭ بۇزۋشىلىقتار بويىنشا كۇدىككە ءىلىندى. بولجالدى سحەمالار 2004 جانە 2016 جىلدار ارالىعىندا جاسالعان بولۋى مۇمكىن.
قۇقىق قورعاۋ ورگاندارىنىڭ مالىمەتىنشە، كەلتىرىلگەن جالپى شىعىن كولەمى 6,8 ميلليون ەۋروعا باعالانىپ وتىر.
مارين لە پەننىڭ ءوزى بۇل ايىپتاۋلاردى جوققا شىعاردى. ەگەر ونىڭ كىناسى دالەلدەنسە، فرانتسۋز ۋلترا وڭشىل كوشباسشىسى 10 جىلعا باس بوستاندىعىنان ايىرىلىپ، 1 ملن ەۋروعا دەيىن ايىپپۇل تولەيدى. سونداي-اق مەملەكەتتىك قىزمەتكە قاتىسۋعا 5-10 جىلعا تىيىم سالىنۋى مۇمكىن.
