قورعانىس مينيسترلىگىنە قارايتىن اقتاۋ گارنيزونىندا كەلىسىمشارت بويىنشا قىزمەت ەتەتىن 39 جاستاعى اسكەري قىزمەتكەر وزىنە قول جۇمساۋى مۇمكىن. بۇل تۋرالى اقتاۋ گارنيزونىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
قايعىلى وقيعا 28 قىركۇيەكتە بولعان.
«الدىن الا مالىمەت بويىنشا، كەلىسىمشارتپەن قىزمەت اتقارۋشى اسكەري قىزمەتكەر وتباسىلىق-تۇرمىستىق جانجالدىڭ سالدارىنان ءوز-وزىنە قول جۇمساعان. سەبەپتەرى مەن ءمان-جايلارى انىقتالىپ جاتىر. اتالعان فاكتى بويىنشا قىلمىستىق ءىس قوزعالدى»،–دەلىنگەن حابارلامادا.
اسكەري قىزمەتكەر شامامەن ءبىر جىل بويى بالا كۇتىمى بويىنشا دەكرەتتىك دەمالىستا بولعان.
ەسكە سالايىق، 19 قىركۇيەكتە قورعانىس مينيسترلىگىنە قارايتىن اياگوز گارنيزونىندا وفيتسەر سۋيتسيد جاساعان ەدى.
