اقش پرەزيدەنتى دجو بايدەن جاقىن ارادا يزرايل پرەمەر-ءمينيسترى بينيامين نەتانياحۋمەن سويلەسىپ، تاياۋ شىعىستاعى جاعدايدى تالقىلاماق. بۇل تۋرالى ول CNN ارناسىنا بەرگەن سۇقباتىندا ايتتى، دەپ حابارلايدى «ادىرنا» ءتىلشىسى.
«ءيا، مەن ونىمەن سويلەسەمىن. بارلىعىن ءبىزدىڭ اڭگىمەمىزدەن كەيىن ايتىپ بەرەمىن. تاياۋ شىعىستاعى سوعىستى بولدىرماي، الدىن الۋ كەرەك»،—دەدى ول.
ەسكە سالايىق، تاياۋ شىعىستاعى جاعداي ءالى دە شيەلەنىستى. 27 قىركۇيەكتە يزرايل اسكەري-اۋە كۇشتەرى بەيرۋتتىڭ وڭتۇستىگىندەگى داحيا اۋدانىنا سوققى جاساعان ەدى. ناتيجەسىندە ليۆان قوزعالىسىنىڭ باسقا دا قولباسشىلارىمەن قاتار «حەزبوللا» توبىنىڭ جوعارى لاۋازىمدى قولباسشىلارىنىڭ ءبىرى قازا تاپتى.
