اقش پەن ءيزرايلدىڭ شابۋىلدارى ناتيجەسىندە ناتانزداعى يادرولىق نىساندار زاقىمدالدى. بۇل تۋرالى اتوم قۋاتى حالىقارالىق اگەنتتىگىندەگى يراننىڭ تۇراقتى وكىلى رەزا نادجاف ايتتى، دەپ حابارلايدى «ادىرنا» ءتىلشىسى Associated Press-كە سىلتەمە جاساپ.
«كەشە تاعى دا يرانداعى قورعالاتىن بەيبىت يادرولىق نىساندارعا شابۋىل جاسالدى. ولار يران يادرولىق قارۋ جاساپ جاتىر دەگەن سىلتاۋ ايتادى. بۇل جالعان اقپارات»،– دەدى نادجافي.
2025 جىلدىڭ 13 ماۋسىمىندا باستالىپ، 12 كۇنگە سوزىلعان سوعىس بارىسىندا يزرايل يراننىڭ ءارتۇرلى قالالارىنا كەڭ اۋقىمدى شابۋىلدار جاساپ، اسىرەسە يادرولىق نىساندار مەن ەلدىڭ جوعارعى اسكەري باسشىلىعىن نىساناعا العان ەدى.
اقش ءيزرايلدى اشىق قولداپ، 22 ماۋسىمدا يرانداعى ءۇش يادرولىق نىسانعا — ناتانز، فوردو جانە يسفاحان قالالارىنداعى وبەكتىلەرگە سوققىلارىن جاساعان.
ال 28 اقپاندا يزرايل يرانعا الدىن الا سوققى جاسادى. العاشقى سوققىنىڭ بىرىندە ەلدىڭ جوعارى رۋحانيا باسشىسى اياتوللا حامەنەي باستاعان 40 اسكەري باسشى قازا تاپقان. قازىر ەلدىڭ بۇكىل اۋماعىندا توتەنشە جاعداي ەنگىزىلدى. سول كەزدە دونالد ترامپ اقش يرانعا قارسى اۋقىمدى وپەراتسيا باستاعانىن مالىمدەگەن.
