باتىس قازاقستان وبلىسىنىڭ بايتەرەك اۋدانىندا وتكەن كوكپار كەزىندە بىرنەشە كورەرمەن زارداپ شەكتى، دەپ حابارلايدى “ادىرنا” ۇلتتىق پورتالى «موي گورود» -قا سىلتەپ.
«28 قىركۇيەكتە كوكپار كەزىندە اتتار تۋرنيكەتتەردى قۇلاتىپ، تۋرنيكەتتەر ارتىندا تۇرعان بىرنەشە كورەرمەن زارداپ شەكتى»، - دەپ حابارلادى وبلىستىق پوليتسيا دەپارتامەنتى.
بۇل كۇنى بايتەرەك اۋدانى 85 جىلدىق مەرەيتويىن اتاپ ءوتىپ جاتقان ەدى. ءىس-شارالار باعدارلاماسىندا كورمەلەر، سپورتتىق جارىستار، مەرەكەلىك ءىس-شارالار، سونداي-اق كوكپار بولدى.
جارىسقا باتىس قازاقستان وبلىسىنىڭ عانا ەمەس، اقتوبە، اتىراۋ وبلىستارىنان دا كوماندالار قاتىستى.
باتىس قازاقستان دەنساۋلىق ساقتاۋ باسقارماسىنىڭ ءباسپاسوز قىزمەتى زارداپ شەككەندەردىڭ جاعدايى تۋرالى كەيىنىرەك ايتۋعا ۋادە بەردى.
