قازاقستان ازاماتتارى قىتايمەن شەكاراداعى قورعاس وتكىزۋ بەكەتىندە ساقال قويعان ەر ازاماتتارعا قاتىستى قوسىمشا تەكسەرۋ جۇرگىزىلىپ جاتقانى تۋرالى اقپرات تارادى، دەپ حابارلايدى “ادىرنا” ءتىلشىسى.
ولاردىڭ ايتۋىنشا، كەيبىر ەر ادامداردان ساقالىن قىرۋ تالاپ ەتىلگەن.
Orda.kz دەرەگىنشە، جولاۋشىلاردىڭ ءبىرى سامات اۆگانوۆتان 2022 جىلدان بەرى جۇمىس بابىمەن قىتايعا تۇراقتى قاتىناپ جۇرگەن. الايدا بۇعان دەيىن مۇنداي تالاپقا تاپ بولماعانىن ايتادى.
ونىڭ ايتۋىنشا، 3 قىركۇيەكتە قورعاس ارقىلى قىتايعا ءوتۋ كەزىندە قىزمەتكەرلەر ساقالىن قىرۋدى نەمەسە قازاقستانعا قايتۋدى ۇسىنعان. ناتيجەسىندە ول جانە بىرگە جۇرگەن ازاماتتار ساقالدارىن قىرعان.
تاعى ءبىر جولاۋشى شىڭعىس قۇدايبەرگەنوۆ مۇنداي تەكسەرۋلەردىڭ بىرنەشە كۇننەن بەرى جۇرگىزىلىپ جاتقانىن ايتتى. ونىڭ سوزىنشە، ساقالدى ەر ازاماتتاردى پوليتسيا قىزمەتكەرلەرى توقتاتىپ، ساقالىن قىرۋدى تالاپ ەتەدى. كەي جاعدايدا بۇل ۇدەرىس ۆيدەوعا ءتۇسىرىلۋى مۇمكىن.
دەگەنمەن، وزگە ەر ادام جەلىدە مۇنداي ارەكەت تالاپ ەتىلمەگەنىن جازعان.
ساقال قىرۋ تالاپ ەتىلۋى تۋرالى اقپارات ازىرگە رەسمي راستالعان جوق.
ايتا كەتەيىك، قىتايدىڭ شىڭجاڭ-ۇيعىر اۆتونوميالىق اۋدانىندا سىرتقى كەلبەتكە قاتىستى بىرقاتار شەكتەۋلەر بۇعان دەيىن دە بولعان. 2017 جىلى ايماقتا «قالىپتان تىس ساقال» ەكسترەميستىك يدەولوگيانىڭ بەلگىلەرىنىڭ ءبىرى رەتىندە قاراستىرىلعان.
ء"ۇي ىشىنەن ءۇي تىگۋگە جول بەرىلمەيدى" - دەپۋتات قىزىلجارلىق سەپاراتيستەرگە قاتىستى مالىمدەمە جاسادى
