پرەزيدەنت ق.توقاەۆ جوشى حاننىڭ ەسىمىن ۇلىقتاۋ جونىندە باستاما كوتەرىپ، سوعان پارمەن بەرمەكشى ەكەن. اقپارات قۇرالدارى ايتىپ جاتىر. وتە دۇرىس. ۋاقىتى كەلگەن اڭگىمە. ءبىزدىڭ، ۇلى دالا تاريحىن جوشى ۇلىسىنان باستاۋ كەرەك. سونىڭ نەگىزىندە قۇرىلعان التىن وردا ءبىزدىڭ تاريحىمىزدىڭ ءتۇپ قازىعى بولۋعا ءتيىس. جوشىدان باستالعان ۇلى شىڭعىس ۇرپاعىنىڭ ( قيات تۇرىك) دارىگەيىندە بولعان كوشپەلى قازاقتىڭ رۋ- تايپالارىنىڭ تاريحى كەنەسارى حانمەن اياقتالىپ جاتىر. 6 عاسىردىڭ ۇلانعايىر تاريحى! ۇلى دالانىڭ، ۇيىعان ۇلىستىڭ تاريحى! باسقا جۇرتتىڭ ماڭدايىنا جازباعان تاريح- بۇل. وسىنداي جىلت ەتكەن جاقسى جاڭالىقتار رۋحاني جان دۇنيەمىزگە از دا بولسا قان جۇگىرتەرى ءسوزسىز. ەل بولسىن دەگەن باسشى وسىنداي اسقاق، ايبارلى، ماعىنالى ىستەردى قولعا السا كەرەك- ءتى. مەن- كوك تۇرىكتىڭ، ۇلى شىڭعىس حان قۇرعان الىپ يمپەريانىڭ ۇرپاعىمىن! بۇدان ارتىق قانداي ماقتانىش كەرەك؟!
ەربولات باياتۇلى
"ادىرنا" ۇلتتىق پورتالى
