«اق جول» پارتياسى ەتيكالىق نورمالاردى بۇزدى جانە وكىلەتتىگىن اسىرا پايدالاندى دەگەن ايىپتارمەن مانداتىنان ايىرعان دەپۋتات اسقار سادىقوۆتىڭ ورنىنا كىم كەلەتىنىن جاريالادى، دەپ حابارلايدى “ادىرنا” ۇلتتىق پورتالى.
«اق جول» دەمپارتيالىق پارتياسىنىڭ ۇلتتىق كەڭەسى پارتيالىق ءتىزىم بويىنشا سەرىك ەرۋباەۆتى ءماجىلىس دەپۋتاتى ەتىپ سايلاۋ تۋرالى شەشىم قابىلدادى. سەرىك ەرۋباەۆ – پارتيا توراعاسىنىڭ ايماقتارمەن جۇمىس جونىندەگى ورىنباسارى، VII-شاقىرىلىمداعى قر پارلامەنتى ءماجىلىسىنىڭ دەپۋتاتى. اتىراۋ قالالىق ءماسليحاتىنىڭ III-V شاقىرىلىمىنىڭ دەپۋتاتى، 2003-2012 جىلدارى قالالىق ءماسليحاتىنىڭ حاتشىسى. «Atyrau Construction services ltd» جشس باس ديرەكتورى قىزمەتىن اتقارعان، – دەپ جازدى «اق جول» پارتياسىنىڭ رەسمي سايتى.
اقپاراتتا ءتيىستى قۇجاتتار ورتالىق سايلاۋ كوميسسياسىنا جولداناتىنى ايتىلعان.
ەسكە سالساق، بۇعان دەيىن «دەپۋتات مارتەبەسىنە ساي ەمەس» دەگەن سەبەپپەن اسقار سادىقوۆ پارلامەنتتەگى قىزمەتىنەن بوساتىلعان بولاتىن.
