ايەلگە ۇياتسىز ۇسىنىس جاساعان دەپ مانداتىنان ايىرىلعان اسقار سادىقوۆ جەلىدە قازاقستاندىقتارعا ۆيدەو جولدادى، دەپ حابارلايدى “ادىرنا” ۇلتتىق پورتالى.
«مەنى ءوزىڭىزدىڭ لاس ويىنىڭىزعا ارالاستىرماڭىز. مانيپۋلياتسيا جاساماڭىز. مەن ەندى ۇندەمەي قالا المايمىن. جاسالعان مالىمدەمە پارتيا باسشىسىنىڭ دەڭگەيىنە ساي ەمەس، دەگەنمەن ازات پەرۋاشەۆ حالىقتى تالاي اداستىرعان، ونىڭ جۇمىس ىستەۋ ءستيلى سونداي.
ازات پەرۋاشەۆ سىزگە ايتارىم، ەگەر مەنى پارتيادان شىعارىپ جىبەرگىڭىز كەلگەن بولسا، مەنىڭ ابىرويىمدى تۇسىرەتىن لاس ايىپتار تاقپاي، باسقا دالەلدەر كەلتىرسەڭىز بولار ەدى. ەگەر ءسىزدىڭ ايتقانىڭىز راس بولسا، ءسىز مۇنى اۋەلى مەنىمەن جانە پارتيا مۇشەلەرىمەن مامىر ايىندا تالقىلار ەدىڭىز»، - دەدى ول.
ايتۋىنشا، بولعان جاعداي ءماجىلىستىڭ تارتىپتىك كەڭەسىندە تالقىلانباعان.
«قازىر مەن دە باسقا ازاماتتار سياقتى وسى حاباردى ەستىپ توبەمنەن جاي تۇسكەندەي بولىپ وتىرمىن. بۇقارالىق اقپارات قۇرالدارىنىڭ ارقاسىندا ءسىزدىڭ بۇكىل جالعان مالىمدەمەلەرىڭىز ەلگە بەلگىلى. سوعان قاراعاندا ازات پەرۋاشەۆ ءوزىنىڭ ورىنباسارىنىڭ ۇلتتىق گۆارديانىڭ گەنەرالىنا پارا بەرگەنى تۋرالى اقپاراتتى جاسىرىپ قالعىسى كەلىپ، اقپارات اۋانىن ماعان بۇرۋعا تىرىسقان سياقتى. ازات پەرۋاشەۆ ءسىز ماقساتىڭىزعا جەتتىڭىز»، - دەيدى ەكس دەپۋتات.
ەسكە سالايىق، بۇعان دەيىن «اقجول» پارتياسىنىڭ توراعاسى ازات پەرۋاشەۆ اسقار سادىقوۆتىڭ نە ءۇشىن مانداتىنان ايىرىلعانىن حابارلاعان بولاتىن.
