«Aq jol» partııasy etıkalyq normalardy buzdy jáne ókilettigin asyra paıdalandy degen aıyptarmen mandatynan aıyrǵan depýtat Asqar Sadyqovtyń ornyna kim keletinin jarııalady, dep habarlaıdy “Adyrna” ulttyq portaly.
«Aq jol» dempartııalyq partııasynyń Ulttyq keńesi partııalyq tizim boıynsha Serik Erýbaevty májilis depýtaty etip saılaý týraly sheshim qabyldady. Serik Erýbaev – partııa tóraǵasynyń aımaqtarmen jumys jónindegi orynbasary, VII-shaqyrylymdaǵy QR Parlamenti májilisiniń depýtaty. Atyraý qalalyq máslıhatynyń III-V shaqyrylymynyń depýtaty, 2003-2012 jyldary qalalyq máslıhatynyń hatshysy. «Atyrau Construction services ltd» JShS bas dırektory qyzmetin atqarǵan, – dep jazdy «Aq jol» partııasynyń resmı saıty.
Aqparatta tıisti qujattar Ortalyq saılaý komıssııasyna joldanatyny aıtylǵan.
Eske salsaq, buǵan deıin «depýtat mártebesine saı emes» degen sebeppen Asqar Sadyqov Parlamenttegi qyzmetinen bosatylǵan bolatyn.
