V دۇنيەجۇزىلىك كوشپەندىلەر ويىنىنىڭ كوكپار سايىسىنان كەيىن الەۋمەتتىك جەلىدە قازاق حالقىن بالاعاتتاعان قىرعىزستاندىقتاردىڭ بەينەسى تاراپ كەتتى، دەپ حابارلايدى "ادىرنا" ۇلتتىق پورتالى.
24kg ارناسىنىڭ مالىمەتىنشە، كەي ازاماتتار ۇستالعان. الەۋمەتتىك جەلىدە ەر ادام اۋىر جۇك كولىگىنىڭ كابيناسىنان قازاقستان تۋىن جۇلىپ الىپ تاستاپ جاتقان ۆيدەو جاريالاعان.
ۆيدەونىڭ 21 جاستاعى اۆتورى قىرعىزستان ۇلتتىق قاۋىپسىزدىك مەملەكەتتىك كوميتەتىنە جەتكىزىلىپ، اڭگىمە جۇرگىزدى. ەر ادام ەكى حالىقتان كەشىرىم سۇراعان.
"قىرعىزستاننىڭ ۇلتتىق قاۋىپسىزدىك جونىندەگى مەملەكەتتىك كوميتەتى بۇدان كەيىن ارانداتۋشىلىققا بوي الدىرماۋعا جانە سپورتتىق ويىندار توڭىرەگىندە قاقتىعىستاردى ۇدەتپەۋگە، توقتاتۋعا شاقىرادى. بۇل ەكى ەلدىڭ باۋىرلاستىق جانە دوستىق قارىم-قاتىناستارىنا نۇقسان كەلتىرۋى مۇمكىن", – دەپ ەسكەرتتى قىرعىزستاننىڭ بارلاۋ قىزمەتى.
ەسكە سالايىق، بۇعان دەيىن قازاقستان قۇراماسى كوكپاردا قىرعىزستان كومانداسىن 5:4 ەسەبىمەن جەڭىپ، ەل قورجىنىنا التىن مەدال سالعان بولاتىن.
