قازاقستاننىڭ ۇلتتىق قاۋىپسىزدىك كوميتەتى قىرعىزستاننىڭ كوكپار قۇراماسىنىڭ ويىنشىسى تاراپىنان جاسالعان ايىپتاۋلاردى جوققا شىعاردى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىدە قازاقستاننىڭ ۇلتتىق قاۋىپسىزدىك كوميتەتىنىڭ قىزمەتشىسى قىرعىز كوپارشىسىنا قىسىم كورسەتكەنى تۋرالى اقپارات تارادى. وسىعان وراي ۇقك ءباسپاسوز قىزمەتى مالىمدەمە جاسادى.
«2024 جىلعى 12 قىركۇيەكتە باق پەن الەۋمەتتىك جەلىلەردە قىرعىزستاننىڭ كوكپار قۇراماسىنىڭ ويىنشىسىنا ۇقك قىزمەتكەرى تاراپىنان قىسىم جاسالعانى تۋرالى اقپارات تارالدى. بۇل اقپارات شىندىققا جاناسپايدى»، — دەلىنگەن كوميتەتتىڭ ءباسپاسوز قىزمەتىنىڭ حابارلامادا.
ۇقك قىزمەتكەرلەرى كوشپەندىلەر ويىندارى كەزىندە قوعامدىق ءتارتىپتى قامتاماسىز ەتۋگە قاتىسپاعانى دا ايتىلدى.
ايتا كەتسەك، بۇعان دەيىن قىرعىزستاننىڭ جانكۇيەرلەرى استاناداعى كوكپاردىڭ تورەلىگىنە نارازىلىق بىلدىرگەن بولاتىن. سونداي-اق، قىرعىزستاننىڭ كوك-ءبورى فەدەراتسياسى قازاقستان قۇراماسىنا قارسى ناتيجەگە بايلانىستى شاعىم تۇسىرگەنى تۋرالى حابارلاندى.
