V Düniejüzılık Köşpendıler oiynynyŋ kökpar saiysynan keiın äleumettık jelıde qazaq halqyn balaǧattaǧan qyrǧyzstandyqtardyŋ beinesı tarap kettı, dep habarlaidy "Adyrna" ūlttyq portaly.
24kg arnasynyŋ mälımetınşe, kei azamattar ūstalǧan. Äleumettık jelıde er adam auyr jük kölıgınıŋ kabinasynan Qazaqstan tuyn jūlyp alyp tastap jatqan video jariialaǧan.
Videonyŋ 21 jastaǧy avtory Qyrǧyzstan Ūlttyq qauıpsızdık memlekettık komitetıne jetkızılıp, äŋgıme jürgızdı. Er adam ekı halyqtan keşırım sūraǧan.
"Qyrǧyzstannyŋ Ūlttyq qauıpsızdık jönındegı memlekettık komitetı būdan keiın arandatuşylyqqa boi aldyrmauǧa jäne sporttyq oiyndar töŋıregınde qaqtyǧystardy üdetpeuge, toqtatuǧa şaqyrady. Būl ekı eldıŋ bauyrlastyq jäne dostyq qarym-qatynastaryna nūqsan keltıruı mümkın", – dep eskerttı Qyrǧyzstannyŋ barlau qyzmetı.
Eske salaiyq, būǧan deiın Qazaqstan qūramasy kökparda Qyrǧyzstan komandasyn 5:4 esebımen jeŋıp, el qorjynyna altyn medal salǧan bolatyn.
Ūqsas jaŋalyqtar
