12 қыркүйекте Қазақстанның көкпаршылары финалда Қырғызстан командасын 5:4 есебімен жеңді, деп хабарлайды "Адырна" ұлттық порталы.
Осылайша ұлттық құрама V Дүниежүзілік көшпенділер ойындарының алтын медалін жеңіп алды.
Бірінші таймда Қырғызстан командасы 3:1 есебімен алға шыққан болатын. Екінші таймда Қазақстан командасы есепті теңестіріп, ойын 4:4 есебімен аяқталды. Қосымша уақыттың 10 минутында Қазақстандық көкпаршы шешуші салым салды. Нәтижесінде есеп 5:4 болып, ел құрамасы жеңіске жетті.
Көкпар турнирінде тоғыз елдің командалары қатысты, ал жалпы спортшылар саны 104 адам болады.
