سونداي-اق ۇكىمەت باسشىسىنىڭ ورىنباسارى نۇرسۇلتان نازارباەۆتىڭ ماقتاۋىن قالاي قابىلداعانىن ايتتى
جاقىندا عانا ۇكىمەت باسشىسىنىڭ ورىنباسارى بولىپ تاعايىندالعان بەردىبەك ساپارباەۆ حالىق پەن باق-قا اشىق بولۋعا ۋادە بەردى، دەپ حابارلايدى Sputnik قازاقستان تىلشىسى.
ساپارباەۆ تۇڭعىش پرەزيدەنت نۇرسۇلتان نازارباەۆتىڭ ماقتاۋىن قالاي قابىلداعانىن ايتتى
"ارينە، كەز كەلگەن ادامعا ۇنايدى. ءارى قاراي بۇدان دا جاقسى جۇمىس ىستەۋگە جىگەرلەندىرەدى", - دەدى ساپارباەۆ ۇكىمەت ۇيىندە وتكەن ءباسپاسوز ءماسليحاتىنان كەيىن.
ول ۆيتسە-پرەمەر قىزمەتىندە دە حالىق پەن باق-قا اشىق بولاتىنىن ايتتى.
"جاڭا قىزمەتىمە كىرىسكەنىمە ءۇش-اق كۇن بولدى، بىراق بۇگىن سىزدەرمەن كەزدەسىپ وتىرمىن. بۇل مەنىڭ اشىقتىعىمنىڭ العاشقى دالەلى. مەن ۇنەمى اشىق بولدىم، سولاي قالا بەرەمىن، باق وكىلدەرىمەن دە كەزدەسىپ تۇرامىن", - دەپ ۋادە بەردى ۇكىمەت باسشىسىنىڭ ورىنباسارى.
ايتا كەتسەك، Nur Otan پارتياسى ساياسي كەڭەسىنىڭ وتىرىسىندا نۇرسۇلتان نازارباەۆ اكىمدەردى حالىققا جاقىن بولۋعا شاقىرىپ، ولارعا بەردىبەك ساپارباەۆتى ۇلگى ەتكەن ەدى. ەلباسى ءار جىلدارى ءتورت وبلىستى باسقارعان ساپارباەۆتى ۇكىمەتتەگى جاڭا قىزمەتىمەن قۇتتىقتادى.
بەردىبەك ساپارباەۆ وسى جىلدىڭ اقپان ايىندا ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالعان ەدى. ساپارباەۆ ۆەدومستۆو تىزگىنىن ەلدە كوپبالالى انالاردىڭ نارازىلىعى كۇشەيگەن تۇستا قولعا الدى. بۇعان دەيىن اقتوبە وبلىسىن باسقاردى.
20 تامىزدا قازاقستان پرەزيدەنتى ساپارباەۆتى ۇكىمەت باسشىسىنىڭ ورىنباسارى قىزمەتىنە تاعايىندادى.
"ادىرنا" ۇلتتىق پورتالى
