Sondai-aq ükımet basşysynyŋ orynbasary Nūrsūltan Nazarbaevtyŋ maqtauyn qalai qabyldaǧanyn aitty
Jaqynda ǧana ükımet basşysynyŋ orynbasary bolyp taǧaiyndalǧan Berdıbek Saparbaev halyq pen BAQ-qa aşyq boluǧa uäde berdı, dep habarlaidy Sputnik Qazaqstan tılşısı.
Saparbaev tūŋǧyş prezident Nūrsūltan Nazarbaevtyŋ maqtauyn qalai qabyldaǧanyn aitty
"Ärine, kez kelgen adamǧa ūnaidy. Ärı qarai būdan da jaqsy jūmys ısteuge jıgerlendıredı", - dedı Saparbaev ükımet üiınde ötken baspasöz mäslihatynan keiın.
Ol vise-premer qyzmetınde de halyq pen BAQ-qa aşyq bolatynyn aitty. "Jaŋa qyzmetıme kırıskenıme üş-aq kün boldy, bıraq bügın sızdermen kezdesıp otyrmyn. Būl menıŋ aşyqtyǧymnyŋ alǧaşqy dälelı. Men ünemı aşyq boldym, solai qala beremın, BAQ ökılderımen de kezdesıp tūramyn", - dep uäde berdı ükımet basşysynyŋ orynbasary. Aita ketsek, Nur Otan partiiasy saiasi keŋesınıŋ otyrysynda Nūrsūltan Nazarbaev äkımderdı halyqqa jaqyn boluǧa şaqyryp, olarǧa Berdıbek Saparbaevty ülgı etken edı. Elbasy är jyldary tört oblysty basqarǧan Saparbaevty ükımettegı jaŋa qyzmetımen qūttyqtady. Berdıbek Saparbaev osy jyldyŋ aqpan aiynda eŋbek jäne halyqty äleumettık qorǧau ministrı bolyp taǧaiyndalǧan edı. Saparbaev vedomstvo tızgının elde köpbalaly analardyŋ narazylyǧy küşeigen tūsta qolǧa aldy. Būǧan deiın Aqtöbe oblysyn basqardy. 20 tamyzda Qazaqstan prezidentı Saparbaevty ükımet basşysynyŋ orynbasary qyzmetıne taǧaiyndady."Adyrna" ūlttyq portaly
