شىمكەنتتە دارىگەرلىك-دەنە شىنىقتىرۋ ەمحاناسىنىڭ ديرەكتورى مەن ەسەپشىسى جۇمىس ىستەمەيتىن ازاماتتىڭ اتىنان جالاقى جۇرگىزىپ، 3,4 ميلليون تەڭگە جىمقىرعان، دەپ حابارلايدى “ادىرنا” ۇلتتىق پورتالى قر سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەپ.
«شىمكەنت قالاسىنىڭ قىلمىستىق ىستەر جونىندەگى اۋدانارالىق سوتى «شىمكەنت قالاسىنىڭ مەديتسينالىق جانە دەنە شىنىقتىرۋ ديسپانسەرى» كمم-ءنىڭ مەڭگەرۋشىسى ي.دولبيلوۆا مەن وسى ۇيىمنىڭ ەسەپشىسى ابدۋكاريموۆا م.-عا قاتىستى ۇكىم شىعاردى.ولار ۇرلىق جاساعانى ءۇشىن كىنالى دەپ تانىلدى. ەڭبەك قىزمەتىمەن ناقتى اينالىسپايتىن تۇلعاعا زاڭسىز ەڭبەكاقى تولەۋ ارقىلى 3,4 ملن تەڭگە بيۋدجەت قاراجاتى ءوندىرىلدى»، - دەلىنگەن حابارلامادا.
ەكى ايىپتالۋشى دا ەكى جىلعا باس بوستاندىعىنان ايىرىلىپ، ءومىر بويىنا مەملەكەتتىك قىزمەتتە جۇمىس ىستەۋگە تىيىم سالىندى.
