بۇگىن جامبىل وبلىسى تالاس اۋدانىندا ورنالاسقان «Talas Investment Company» جشس كاسىپورنىنىڭ ۇجىمى جاڭا كونستيتۋتسيا جوباسىن قولداۋ بويىنشا ۇندەۋ جاريالادى.
«Talas Investment Company» جشس قازاقستانداعى ناتري ءتسيانيدىن وندىرەتىن حيميا ونەركاسىبىندەگى بىرەگەي كاسىپورىن بولىپ تابىلادى. ناتري ءتسيانيدى التىن ءوندىرۋ ونەركاسىبىندە جانە مەتاللۋرگيادا كەڭىنەن قولدانىلادى.
وسىنداي كاسىپورىننىڭ ۇجىمى جاڭا كونستيتۋتسيا جوباسىن قولدايتىندىقتارىن جەتكىزدى.
ء«بىز ءوز ۇجىمىمىزبەن بىرگە ەلىمىزدىڭ دامۋىنا تىڭباي ەڭبەك ەتىپ كەلەمىز. كۇندەلىكتى جۇمىسىمىز ارقىلى ءوندىرىستىڭ تۇراقتى جۇرۋىنە، ءوڭىر ەكونوميكاسىنىڭ نىعايۋىنا جانە حالىقتىڭ ءال-اۋقاتىنىڭ ارتۋىنا ءوز ۇلەسىمىزدى قوسىپ ءجۇرمىز. بۇگىنگى تاڭدا ەلىمىز ءۇشىن ماڭىزدى كەزەڭدەردىڭ ءبىرى – رەفەرەندۋم. بۇل جاي عانا ساياسي ناۋقان ەمەس، بۇل – مەملەكەتىمىزدىڭ الداعى دامۋ باعىتىن ايقىندايتىن تاريحي شەشىم» - دەدى داستانوۆ باۋىرجان باقتيارۇلى، كاسىپورىننىڭ باس ديرەكتورى ورىنباسارىنىڭ مىندەتىن اتقارۋشى.
«رەفەرەندۋم ارقىلى قابىلداناتىن شەشىمدەر ءبىزدىڭ قوعامىمىزدىڭ تۇراقتىلىعى مەن ەكونوميكالىق دامۋىنا، كاسىپورىنداردىڭ ءتيىمدى جۇمىس ىستەۋىنە، جاستار ءۇشىن جاڭا مۇمكىندىكتەردىڭ اشىلۋىنا اسەر ەتەدى. ءبىزدىڭ ۇجىم بارلىق قىزمەتكەرلەرىمەن بىرگە مەملەكەتىمىزدىڭ تۇراقتى دامۋىن قولدايدى. رەفەرەندۋم – بۇل ەل ءۇشىن ماڭىزدى ءارى تاريحي ءسات، جانە ءار ازامات ءوز تاڭداۋىن جاساۋ ارقىلى بولاشاققا ۇلەس قوسادى» - دەدى جۋسيپبەكوۆا ايجان تەلجانقىزى، كاسىپورنىندا قويما مەڭگەرۋشىسى.
«رەفەرەندۋم – بۇل ارقايسىمىزدىڭ ازاماتتىق جاۋاپكەرشىلىگىمىزدى كورسەتەتىن ءسات. ءبىزدىڭ ورتاق ماقساتىمىز – تۇراقتى، دامىعان جانە بولاشاعى بەرىك قازاقستان» - دەپ اتاپ ءوتتى باۋىرجان داستانوۆ.
