استانادا سپورتتى دامىتۋ ديرەكتسياسىنىڭ باسشىسى سامات ەرعاليەۆ 3,5 جىلعا باس بوستاندىعىنان ايىرىلدى، دەپ حابارلايدى «ادىرنا» ءتىلشىسى.
سوت شەنەۋنىكتىڭ 2019 جىلدىڭ قاراشا-جەلتوقسان ايلارى ارالىعىندا لاۋازىمدىق وكىلەتتىكتەرىن اسىرا پايدالانىپ، سۋردليمپيادالىق سپورت تۇرلەرى بويىنشا اعا جاتتىقتىرۋشىنى زاڭسىز تاعايىنداعانىن مالىمدەدى.
«سامات ەرعاليەۆ ەر ادامدى 19-قىسقى سۋردليمپيادا ويىندارىنا قاتىسۋ ءۇشىن ۆالتەللينا (يتاليا) ايماعىنا ىسساپارعا جىبەرىپ جانە جالپى سوماسى 113 ملن تەڭگەدەن استام جالاقى، ءىسساپار شىعىندارى مەن ماتەريالدىق پايدانى زاڭسىز الۋعا ىقپال ەتكەن»،—دەدى استانا قالالىق قىلمىستىق ىستەر جونىندەگى اۋدانارالىق سوتى.
ايتا كەتەيىك، سوتتالۋشىنىڭ كىناسى كۋاگەرلەردىڭ ايعاقتارىمەن، اۋديت قورىتىندىلارىمەن، اقشا قاراجاتىن الۋ تۋرالى بانك دەرەكتەرىمەن دالەلدەندى.
