Astanada Sportty damytý dırekııasynyń basshysy Samat Erǵalıev 3,5 jylǵa bas bostandyǵynan aıyryldy, dep habarlaıdy «Adyrna» tilshisi.
Sot sheneýniktiń 2019 jyldyń qarasha-jeltoqsan aılary aralyǵynda laýazymdyq ókilettikterin asyra paıdalanyp, sýrdlımpıadalyq sport túrleri boıynsha aǵa jattyqtyrýshyny zańsyz taǵaıyndaǵanyn málimdedi.
«Samat Erǵalıev er adamdy 19-qysqy Sýrdlımpıada oıyndaryna qatysý úshin Valtellına (Italııa) aımaǵyna issaparǵa jiberip jáne jalpy somasy 113 mln teńgeden astam jalaqy, issapar shyǵyndary men materıaldyq paıdany zańsyz alýǵa yqpal etken»,—dedi Astana qalalyq qylmystyq ister jónindegi aýdanaralyq soty.
Aıta keteıik, sottalýshynyń kinási kýágerlerdiń aıǵaqtarymen, aýdıt qorytyndylarymen, aqsha qarajatyn alý týraly bank derekterimen dáleldendi.
