الماتىدا قالا كۇنىنە وراي «الماتىنىڭ سيمۆولى – سىيلىققا» اتتى اكتسيا ءوتتى. ءىس-شارانى الماتى قالاسىنىڭ تۋريزم باسقارماسى، الماتى حالىقارالىق اۋەجايى جانە قر ۇقك الماتى قالاسى شەكارالىق باقىلاۋ باسقارماسى بىرلەسىپ ۇيىمداستىردى.
پاسپورتتىق باقىلاۋ ايماعىندا حالىقارالىق رەيستەردىڭ جولاۋشىلارىنا الماتىنىڭ جىلۋى مەن قوناقجايلىلىعىن بىلدىرەتىن «اپورت» سۇرىپتى المالار ۇسىنىلدى. اكتسيا شامامەن 10 مىڭ جولاۋشىنى جانە 50-دەن استام رەيستى قامتىدى.
قالالىق تۋريزم باسقارماسىنىڭ مالىمەتىنشە، بۇنداي اكتسيالاردى وتكىزۋ الماتىنى تۋريستىك باعىت رەتىندە تارتىمدى ەتۋدە ماڭىزدى ءرول اتقارادى.
«الماتى ورتالىق ازيانىڭ قارجىلىق، ساۋدا-ەكونوميكالىق جانە مادەني-ءبىلىم بەرۋ ورتالىعى. قالا تابيعي رەسۋرستارىمەن، باي تاريحي، مادەني مۇراسىمەن تۋريستەردى تارتادى. مۇندا حالىقارالىق دەڭگەيدەگى ءىرى فەستيۆالدەر مەن كونتسەرتتەر وتەدى.الماتىنىڭ سيمۆولى – سىيلىققا» اكتسياسى شەتەلدىك تۋريستەردى قالانىڭ داستۇرىمەن، مادەنيەتىمەن تانىستىرۋدا العاشقى وڭ اسەر قالدىرۋدى كوزدەيدى»، - دەپ اتاپ ءوتتى ۇيىمداستىرۋشىلار.
