Almatyda Qala kúnine oraı «Almatynyń sımvoly – syılyqqa» atty akııa ótti. Is-sharany Almaty qalasynyń Týrızm basqarmasy, Almaty halyqaralyq áýejaıy jáne QR UQK Almaty qalasy Shekaralyq baqylaý basqarmasy birlesip uıymdastyrdy.
Pasporttyq baqylaý aımaǵynda halyqaralyq reısterdiń jolaýshylaryna Almatynyń jylýy men qonaqjaılylyǵyn bildiretin «aport» surypty almalar usynyldy. Akııa shamamen 10 myń jolaýshyny jáne 50-den astam reısti qamtydy.
Qalalyq týrızm basqarmasynyń málimetinshe, bundaı akııalardy ótkizý Almatyny týrıstik baǵyt retinde tartymdy etýde mańyzdy ról atqarady.
«Almaty Ortalyq Azııanyń qarjylyq, saýda-ekonomıkalyq jáne mádenı-bilim berý ortalyǵy. Qala tabıǵı resýrstarymen, baı tarıhı, mádenı murasymen týrısterdi tartady. Munda halyqaralyq deńgeıdegi iri festıvalder men konertter ótedi.Almatynyń sımvoly – syılyqqa» akııasy sheteldik týrısterdi qalanyń dástúrimen, mádenıetimen tanystyrýda alǵashqy oń áser qaldyrýdy kózdeıdi», - dep atap ótti uıymdastyrýshylar.
