استانادا ءوتىپ جاتقان V دۇنيەجۇزىلىك كوشپەندىلەر ويىندارىنىڭ جابىلۋ سالتاناتى كورەرمەنسىز وتەتىن بولدى. ۇيىمداستىرۋشىلار الاياقتارعا الدانىپ، بيلەتتەر ساتىپ الماۋ كەرەگىن ەسكەرتتى، دەپ حابارلايدى “ادىرنا” ۇلتتىق پورتالى.
”جابىلۋ سالتاناتىن قازاقستاندىق جەتەكشى تەلەارنالاردان تىكەلەي ەفيردە كورۋگە بولادى. ويىندار ديرەكتسياسى بيۋدجەتتىڭ قىسقارۋىنا بايلانىستى ويىنداردىڭ سالتاناتتى شارالار مەن كورەرمەنسىز، حاتتامالىق فورماتتا وتەتىنىن ءتۇسىندىردى. ۇيىمداستىرۋشىلار ويىنداردىڭ جابىلۋىنا ارنالعان بيلەتتەر ساتىلىمى تۋرالى حابار تاراعانىن ايتتى. بيلەتتەردىڭ ساتىلمايتىنى جانە كەز كەلگەن ۇسىنىستىڭ الاياقتىق ەكەنى رەسمي تۇردە ايتىلدى. جابىلۋ ءراسىمى تەك قاتىسۋشىلارعا ارنالعان جانە كورەرمەندەردىڭ قاتىسۋىنسىز وتەدى”، – دەپ اتاپ ءوتتى ۇيىمداستىرۋشىلار.
ەسكە سالايىق، دۇنيەجۇزىلىك كوشپەندىلەر ويىندارى اياسىندا سپورتشىلار 21 ويىن ءتۇرى بويىنشا باق سىناسا، ەتنواۋىلداعى مادەني باعدارلامادا كۇن سايىن 100-گە دەيىن ءىس-شارا قامتىلعان. ۇلتتىق مۋزەيدە 12 ەلدىڭ ساراپشىلارى قاتىسقان «كوشپەندىلەر: تاريح، ءبىلىم، تاعىلىم» اتتى حالىقارالىق كونفەرەنتسيا اياقتالدى.
8-13 قىركۇيەك ارالىعىندا استانادا كوشپەلى ءومىردىڭ ءتۇرلى مادەنيەتى مەن ءداستۇرىن كورسەتەتىن كوشپەندىلەر ويىندارىنا الەمنىڭ 89 ەلىنەن 2 500-گە جۋىق ادام قاتىسىپ جاتىر.
