جەكسەنبى، 8 قىركۇيەك كۇنى دۇنيەجۇزىلىك كوشپەندىلەر ويىندارىنىڭ رەسمي اشىلۋ سالتاناتىنىڭ الدىندا ۇلكەن كونتسەرت وتەدى. كونتسەرتتى حالىق ءارتىسى، الەمگە ايگىلى ديماش قۇدايبەرگەن مۋزىكالىق كومپوزيتسيامەن اياقتايدى، دەپ حابارلايدى “ادىرنا” ۇلتتىق پورتالى.
ال، ويىنداردىڭ رەسمي اشىلۋ سالتاناتى كەشكى ساعات 19:00-گە جوسپارلانعان. كونتسەرتتىك باعدارلاماعا باس-اياعى 3000 ونەرپاز قاتىسادى دەگەن بولجام بار. كوشپەندىلەر ويىنىنىڭ اشىلۋ سالتاناتىنداعى كونتسەرت تە، رەسمي باعدارلاما دا بىرنەشە تەلەارنادان تىكەلەي ترانسلياتسيالانادى.
ايتا كەتەيىك، 8-13 قىركۇيەك ارالىعىندا استانادا ورتالىق ازيا كوشپەلى حالىقتارىنىڭ داستۇرلەرىنەن باستاۋ الاتىن ۇلتتىق سپورت تۇرلەرىنە ارنالعان V دۇنيەجۇزىلىك كوشپەندىلەر ويىندارى وتەدى.
