كوشپەندىلەر ويىنى. قازاق شاباندوزدارى بايگەدە بارلىق جۇلدەنى يەلەندى

قىرعىزستاندا ءوتىپ جاتقان VI دۇنيەجۇزىلىك كوشپەندىلەر ويىندارىندا قازاقستاندىق شاباندوزدار الامان بايگەدە جەڭىسكە جەتتى، دەپ حابارلايدى "ادىرنا".

25 شاقىرىمدىق جارىستا ءۇش جۇلدەلى ورىننىڭ بارلىعىن قازاقستان قۇراماسىنىڭ وكىلدەرى يەلەندى.

باس جۇلدە 21-نومىرمەن جارىسقا قاتىسقان شاباندوز مىنگەن «ايمان» جۇيرىگىنە بۇيىردى. ءبىرىنشى ورىن يەگەرىنە 1,5 ميلليون سوم كولەمىندە اقشالاي سىياقى تابىستالدى. بۇل شامامەن 7,5 ميلليون تەڭگەگە تەڭ.

ەكىنشى ورىن ءۇشىن 1 ميلليون سوم، ال ءۇشىنشى ورىنعا 500 مىڭ سوم كولەمىندە جۇلدە قاراستىرىلعان.

ايتا كەتەيىك، دۇنيەجۇزىلىك كوشپەندىلەر ويىندارىنىڭ ءۇش كۇنىندە قازاقستان قۇراماسى 34 مەدال جەڭىپ الدى. ونىڭ 16-سى — التىن، 8-ءى — كۇمىس، 10-ى — قولا.