Astanada ótip jatqan V Dúnıejúzilik kóshpendiler oıyndarynyń jabylý saltanaty kórermensiz ótetin boldy. Uıymdastyrýshylar alaıaqtarǵa aldanyp, bıletter satyp almaý keregin eskertti, dep habarlaıdy “Adyrna” ulttyq portaly.
”Jabylý saltanatyn qazaqstandyq jetekshi telearnalardan tikeleı efırde kórýge bolady. Oıyndar dırekııasy bıýdjettiń qysqarýyna baılanysty oıyndardyń saltanatty sharalar men kórermensiz, hattamalyq formatta ótetinin túsindirdi. Uıymdastyrýshylar oıyndardyń jabylýyna arnalǵan bıletter satylymy týraly habar taraǵanyn aıtty. Bıletterdiń satylmaıtyny jáne kez kelgen usynystyń alaıaqtyq ekeni resmı túrde aıtyldy. Jabylý rásimi tek qatysýshylarǵa arnalǵan jáne kórermenderdiń qatysýynsyz ótedi”, – dep atap ótti uıymdastyrýshylar.
Eske salaıyq, Dúnıejúzilik kóshpendiler oıyndary aıasynda sportshylar 21 oıyn túri boıynsha baq synasa, etnoaýyldaǵy mádenı baǵdarlamada kún saıyn 100-ge deıin is-shara qamtylǵan. Ulttyq mýzeıde 12 eldiń sarapshylary qatysqan «Kóshpendiler: tarıh, bilim, taǵylym» atty halyqaralyq konferenııa aıaqtaldy.
8-13 qyrkúıek aralyǵynda Astanada kóshpeli ómirdiń túrli mádenıeti men dástúrin kórsetetin Kóshpendiler oıyndaryna álemniń 89 elinen 2 500-ge jýyq adam qatysyp jatyr.
