1941 جىلدىڭ 12 قىركۇيەگىندە الماتى قالاسىندا قازاق كسر حكك قاۋلىسى نەگىزىندە فيلمدەردىڭ تۇسىرىلىمىمەن كوركەم جانە دەرەكتى فيلمدەر ستۋدياسى اينالىسا باستادى، دەپ حابارلايدى "ادىرنا" ۇلتتىق پورتالى.
ال ۋاقىت وتە كەلە، 1941 جىلى قازاق كسر-ءنىڭ حالىق كوميسسارلارى كەڭەسىنىڭ №762 قاۋلىسىنا سايكەس الماتى كينوستۋدياسى قۇرىلىپ، 1960 جىلى اتاۋى «قازاقفيلم» بولىپ اۋىستىرىلدى.
1984 جىلى «قازاقفيلم» كينوستۋدياسىنا ۇلتتىق كينەماتوگرافيانىڭ كورنەكتى قايراتكەرى شاكەن كەنجەتايۇلى ايمانوۆتىڭ اتى بەرىلىپ، شاكەن ايمانوۆ اتىنداعى «قازاقفيلم» كينوستۋدياسى بولدى.
قازاقستان كينەماتوگرافيستەرى وداعىنىڭ باسشىسى باۋىرجان نوگەربەكوۆ 2005 جىلى "12 قىركۇيەك - قازاق كينوسىنىڭ كۇنى" دەپ اتاۋدى ۇسىنىپ، اتاۋلى داتا بەكىتىلدى.
العاشقى قازاق كينوسى رەتىندە بارشاعا تانىمال «امانگەلدى» ءفيلمى سانالادى. تاريحي فيلم امانگەلدى يمانوۆقا باعىتتالىپ، «لەنفيلم» ستۋدياسى كارتينانى ءتۇسىردى. رەجيسسەرى - مارك لەۆين بولسا، امانگەلدى باتىردىڭ ءرولىن اكتەر ەلۋباي ومىرزاقوۆ وينادى.
وسىلايشا، قازاقتار تۋرالى تۇسىرىلگەن العاشقى فيلم دۇنيەگە كەلدى.
