كينوتۋىندىگەر، رەجيسسەر اداي ابەلدينوۆ قازاق كينوگەرلەرىن قويعا تەڭەپ، كەكەسىنگە تولى سۋرەتكە قاتىستى پىكىر ءبىلدىردى. فوتوسۋرەت قازاق ءتىلدى كينوگەرلەردى ايىپتاۋعا قۇرىلعان، دەپ حابارلايدى "ادىرنا" ۇلتتىق پورتالى.
پروۆوكاتسياعا تولى سۋرەت جايلى رەجيسسەر اداي ابەلدينوۆ پىكىر ءبىلدىرىپ، ونىڭ استارىندا شوۆينيستىك ارەكەتتەردىڭ جاتۋى مۇمكىن ەكەندىگىن ايتتى.
- 2023 جىلدىڭ 12 مامىرىندا كينوگەرلەر الماتى قوناق ءۇيىنىڭ الدىندا ميتينگكە شىققان بولاتىن. سول كۇنى الەۋمەتتىك جەلىلەردە ميتينگكە شىققان قازاق ءتىلدى كينوگەرلەردى يت پەن قوي كەيپىندە بەينەلەگەن پروۆوكاتسيالىق سۋرەت جاريالاندى (تومەندەگى سۋرەت).سوراقىسى، قازاق كينوگەرلەرىن كەمسىتە سالعان بۇل سۋرەتتى ”ۇلتتىق كينونى قولداۋ مەملەكەتتىك ورتالىعىنىڭ” قارجى ديرەكتورى ۆيكتوريا چەرنوۆا ءوزىنىڭ جەكە پاراقشاسىندا جاريالاعان.ورىن العان جايتتى زەرتتەي كەلە، سۋرەتتىڭ اۆتورى يۆان ارداشوۆ دەگەن سۋرەتشى ەكەنى انىقتالدى.اتى اتالعانداردىڭ تاراپىنان جاسالعان بۇل ارەكەتتى قالاي قابىلداۋعا بولادى؟ بۇل قازاق ۇلتىن مالعا تەڭەپ كەمسىتكەن شوۆينيزم بە، الدە ۇلتارالىق ارازدىقتى قوزدىرۋعا باعىتتالعان ارەكەت پە؟ مەنىڭشە، ەكەۋى دە!ۇلتتىق كينونىڭ تاعدىرىن شەشەتىن جاۋاپتى مەملەكەتتىك مەكەمەنىڭ بۇگىنگى كەيپى وسى! قازاق كينوسىن قوڭىزدار مەن دوڭىزدار بيلەگەن زامان.“ۇلتتىق كينونى قولداۋ مەملەكەتتىك ورتالىعىنىڭ” باسشىلارى اتالعان ماسەلەگە نازار اۋدارىپ، تەكسەرىس جۇرگىزۋىن تالاپ ەتەمىن!!! ”ۇكقمو” قارجى ديرەكتورى ۆيكتوريا چەرنوۆا, جاساعان ورەسكەل ارەكەتى ءۇشىن قازاق كينوگەرلەرىنىڭ الدىندا رەسمي تۇردە كەشىرىم سۇراۋىن تالاپ ەتەمىن! - دەدى رەجيسسەر.
ورايى كەلگەندە ايتا كەتەيىك، مامىردىڭ 12-ءسى كۇنى الماتىدا مەملەكەتتىك كينەماتوگرافيا ورتالىعىنىڭ بايقاۋىنا فيلمدەر ىرىكتەۋىنىڭ ادىلەتسىز ناتيجەسىنە قارسى رەجيسسەرلەردىڭ ميتينگى ءوتتى. ولار بايقاۋداعى فيلمدەردىڭ الدىن الا ىرىكتەۋ ناتيجەلەرىن جويۋدى، مادەنيەت مينيسترىمەن كەزدەسۋ ۇيىمداستىرۋدى، سونداي-اق كينو سۇيەمەلدەۋ ورتالىعىنىڭ باسشىلىعىن جۇمىستان بوساتۋدى جانە وعان قاتىستى تەرگەۋدى باستاۋدى تالاپ ەتتى.
مادەنيەت جانە سپورت ۆيتسە-ءمينيسترى نۇرعيسا داۋەشوۆ كينەماتوگرافيستەر مەن ۇلتتىق كينونى مەملەكەتتىك قولداۋ ورتالىعى اراسىنداعى داۋعا پىكىر ءبىلدىرىپ، ءمينيستردىڭ تاپسىرماسى بويىنشا كەلىپ تۇسكەن بارلىق وتىنىمدەردى قايتا قارايتىن تاۋەلسىز كوميسسيا قۇرىلاتىندىعىن ايتقان ەدى.
"ادىرنا" ۇلتتىق پورتالى
