1941 jyldyń 12 qyrkúıeginde Almaty qalasynda Qazaq KSR HKK qaýlysy negizinde fılmderdiń túsirilimimen Kórkem jáne derekti fılmder stýdııasy aınalysa bastady, dep habarlaıdy "Adyrna" ulttyq portaly.
Al ýaqyt óte kele, 1941 jyly Qazaq KSR-niń Halyq komıssarlary keńesiniń №762 qaýlysyna sáıkes Almaty kınostýdııasy qurylyp, 1960 jyly ataýy «Qazaqfılm» bolyp aýystyryldy.
1984 jyly «Qazaqfılm» kınostýdııasyna ulttyq kınematografııanyń kórnekti qaıratkeri Sháken Kenjetaıuly Aımanovtyń aty berilip, Sháken Aımanov atyndaǵy «Qazaqfılm» kınostýdııasy boldy.
Qazaqstan kınematografısteri odaǵynyń basshysy Baýyrjan Nógerbekov 2005 jyly "12 qyrkúıek - Qazaq kınosynyń kúni" dep ataýdy usynyp, ataýly data bekitildi.
Alǵashqy qazaq kınosy retinde barshaǵa tanymal «Amangeldi» fılmi sanalady. Tarıhı fılm Amangeldi Imanovqa baǵyttalyp, «Lenfılm» stýdııasy kartınany túsirdi. Rejısseri - Mark Levın bolsa, Amangeldi batyrdyń rólin akter Elýbaı Ómirzaqov oınady.
Osylaısha, qazaqtar týraly túsirilgen alǵashqy fılm dúnıege keldi.
