بۇگىن - 11 قىركۇيەك اقش-تاعى «ەگىز» مۇنارا جارىلعان كۇن، دەپ حابارلايدى “ادىرنا” ۇلتتىق پورتالى.
2001 جىلدىڭ 11 قىركۇيەگىندە نيۋ-يوركتەگى مۇناراسى كوك تىرەگەن دۇنيەجۇزىلىك ساۋدا ورتالىعىندا ەكى ۇشاق جارىلىپ، عيمارات جەرمەن جەكسەن بولعان ەدى.
تەررورشىلاردىڭ باسقارۋىنداعى ءۇشىنشى ۇشاق پەنتاگون عيماراتىنا، ءتورتىنشىسى پەنسيلۆانيا شتاتىنىڭ اۋماعىنا قۇلادى.
لاڭكەستىك ارەكەت سالدارىنان 3 مىڭنان استام ادام قازا تاۋىپ، 6 مىڭعا جۋىعى جارالانعان. 24 ادام ءىز-ءتۇزسىز كەتتى. ءورت سوندىرۋشىلەر مەن پوليتسەيلەردىڭ كۇشىمەن اپاتتان 30 مىڭعا جۋىق ادام قۇتقارىلعان.
2001 جىلدىڭ 12 قىركۇيەگىندە اقش پرەزيدەنتى دجوردج بۋش نيۋ-يورك جانە ۆاشينگتونداعى تەررورلىق ارەكەتتەرگە بايلانىستى امەريكا حالقىنا تەلەۆيزيالىق ۇندەۋ جاريالاپ، بارلاۋ جانە قۇقىق قورعاۋ ورگاندارىنىڭ بارلىق رەسۋرستارىنا تەراكت ۇيىمداستىرۋشىلارىن تاۋىپ، جازالاۋ جونىندە بۇيرىق بەرىلگەنىن مالىمدەدى.
2006 جىلدىڭ 11 قىركۇيەگىندە نيۋ-يوركتە تەرراكت قۇرباندارىنا ارنالعان مونۋمەنت اشىلدى. رەسەي ءمۇسىنشىسى زۋرابا تسەرەتەليدىڭ بۇل تۋىندىسى - رەسەيلىكتەردىڭ امەريكا حالقىنا ارناعان تەرراكت قۇرباندارىن ەسكە الۋ بەلگىسى. ەسكەرتكىشتىڭ بيىكتىگى - 30 مەتر، سالماعى 170 توننادان استام.
«ەگىز» مۇنارالاردى قيراتقان 11 قىركۇيەك وقيعاسىنا بيىل 23 جىل تولدى.
