Búgin - 11 qyrkúıek AQSh-taǵy «egiz» munara jarylǵan kún, dep habarlaıdy “Adyrna” ulttyq portaly.
2001 jyldyń 11 qyrkúıeginde Nıý-Iorktegi munarasy kók tiregen Dúnıejúzilik saýda ortalyǵynda eki ushaq jarylyp, ǵımarat jermen jeksen bolǵan edi.
Terrorshylardyń basqarýyndaǵy úshinshi ushaq Pentagon ǵımaratyna, tórtinshisi Pensılvanııa shtatynyń aýmaǵyna qulady.
Lańkestik áreket saldarynan 3 myńnan astam adam qaza taýyp, 6 myńǵa jýyǵy jaralanǵan. 24 adam iz-túzsiz ketti. Órt sóndirýshiler men polıeılerdiń kúshimen apattan 30 myńǵa jýyq adam qutqarylǵan.
2001 jyldyń 12 qyrkúıeginde AQSh prezıdenti Djordj Býsh Nıý-Iork jáne Vashıngtondaǵy terrorlyq áreketterge baılanysty Amerıka halqyna televızııalyq úndeý jarııalap, barlaý jáne quqyq qorǵaý organdarynyń barlyq resýrstaryna terakt uıymdastyrýshylaryn taýyp, jazalaý jóninde buıryq berilgenin málimdedi.
2006 jyldyń 11 qyrkúıeginde Nıý-Iorkte terrakt qurbandaryna arnalǵan monýment ashyldy. Reseı músinshisi Zýraba eretelıdiń bul týyndysy - reseılikterdiń Amerıka halqyna arnaǵan terrakt qurbandaryn eske alý belgisi. Eskertkishtiń bıiktigi - 30 metr, salmaǵy 170 tonnadan astam.
«Egiz» munaralardy qıratqan 11 qyrkúıek oqıǵasyna bıyl 23 jyl toldy.
