2024 جىلعى 11 قىركۇيەكتە استانا قالاسىندا، قازاقستان رەسپۋبليكاسىنىڭ پرەزيدەنتتىك ورتالىعىندا مەملەكەت باسشىسىنىڭ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى جولداۋىن ساراپشىلىق تالقىلاۋ بويىنشا مەملەكەت تاريحى ينستيتۋتىڭ بازاسىندا وتىرىس ءوتتى.
ءىس-شارانىڭ نەگىزگى ماقساتى پرەزيدەنت ۇسىنعان رەفورمالاردا زاڭ ۇستەمدىگىن نىعايتۋ، ەكونوميكالىق ءوسىمدى قولداۋ جانە قوعامداعى وپتيميزم دەڭگەيىن ارتتىرۋ ماسەلەلەرىنە ساراپتامالىق تالداۋ جاساۋ بولدى.
ءىس-شارانىڭ اشىلۋىندا ءماسليحاتتىڭ دەپۋتاتتىق كورپۋس وكىلى، اقمولا وبلىسى قوسشى قالالىق ءماسليحاتىنىڭ دەپۋتات دينارا رايحانوۆا ءسوز سويلەپ، مەملەكەت باسشىسى ۇسىنعان رەفورمالاردىڭ حالىق ءال اۋقاتىن كوتەرۋگە باعدارلانۋىن باسا ايتتى. ءىس-شارانى مودەراتورى رەتىندە مەملەكەت تاريحى ينستيتۋتىنىڭ ديرەكتورى نۇربەك پۇسىرمانوۆ جۇرگىزدى.
ءىس-شارا بارىسىندا قر پرەزيدەنتى جانىنداعى ۇلتتىق قۇرىلتاي مۇشەسى، قولدانبالى ەكونوميكا زەرتتەۋلەرى ورتالىعىنىڭ عىلىمي جەتەكشىسى جاقسىبەك كۇلەكەەۆ جانە «ەكونوميكالىق زەرتتەۋلەر ينستيتۋتى» اق تۇراقتى دامۋ ماقساتتارى جونىندەگى حاتشىلىقتىڭ ديرەكتورى باقىتگۇل حامبار سالىق جۇيەسىن رەفورمالاۋ جانە مەملەكەتتىك شىعىستاردىڭ تيىمدىلىگىن ارتتىرۋداعى نەگىزگى ماسەلەلەردى تالقىلادى. ولار ەكونوميكالىق ءوسۋدى قامتاماسىز ەتۋ ءۇشىن بيۋدجەتتىك پروتسەستى وڭتايلاندىرۋدىڭ جانە مەملەكەتتىك شىعىستاردىڭ اشىقتىعىن ارتتىرۋدىڭ ماڭىزدىلىعىن اتاپ ءوتتى.
قر پرەزيدەنتى جانىنداعى قسزي-ءدىڭ ديرەكتوردىڭ ورىنباسارى الۋا جولدىبالينا مەملەكەتتىك باسقارۋ رەفورمالارىن وڭىرلىك ەرەكشەلىكتەرگە بەيىمدەۋ ماسەلەلەرىن تالقىلادى. بۇل ورايدا، ساراپشى وڭىرلىك ەرەكشەلىكتەردىڭ مەملەكەتتىك قىزمەتشىلەرگە قاتىستى تالاپتارداعى ديسپروپروتسياسى، رەسۋرستارى مەن ينفراقۇرىلىمى جەتكىلىكسىز ايماقتاردا مەملەكەتتىك ساياساتتىڭ ءتيىمدى جۇزەگە اسىرىلۋىنداعى قيىندىقتارعا نازار اۋدارتتى.
ءوز كەزەگىندە قازاقستان رەسپۋبليكاسى كاسىپوداقتار فەدەراتسياسىنىڭ توراعا ورىنباسارى نۇرلان وتەشوۆ پەن قر ەحاقم ەڭبەكتى قورعاۋ جونىندەگى رەسپۋبليكالىق عىلىمي-زەرتتەۋ ينستيتۋتى باس ديرەكتورىنىڭ عىلىمي جۇمىس جونىندەگى ورىنباسارى ءالىمجان بەكماعامبەتوۆ جۇمىسشى ماماندىقتارىنىڭ قوعامداعى بەدەلىن ارتتىرۋ جولدارىن قاراستىردى. ولار كاسىبي ءبىلىم بەرۋ باعدارلامالارىن دامىتۋ جانە جۇمىسشى ماماندىقتارىنىڭ مارتەبەسىن كوتەرۋ ارقىلى وسى ماسەلەنى شەشۋدى ۇسىندى.
قازاقستاندىق قوعامدىق دامۋ ينستيتۋتى كەاق-تىڭ باسقارما توراعامىنىڭ ورىنباسارى ولجاس بەيسەنباەۆ تسيفرلىق قىلمىستاردىڭ كوبەيۋىنە بايلانىستى قارجىلىق ساۋاتتىلىق پەن تسيفرلىق گيگيەنا داعدىلارىن حالىق اراسىندا كەڭىنەن تاراتۋدىڭ ماڭىزدىلىعىن تالقىلادى. ساراپشى بۇل داعدىلاردىڭ ءبىلىم بەرۋ باعدارلامالارىنىڭ جەتكىلىكسىز دەڭگەيدە بولۋىنا بايلانىستى باياۋ تارالىپ جاتقانىن اتاپ ءوتتى جانە وسى ماسەلەنى شەشۋدىڭ جولدارىن ۇسىندى.
ەۋرازيالىق ينتەگراتسيا ينستيتۋتىنىڭ عىلىمي-تەوريالىق تالداۋ جانە ادىسنامالىق قامتاماسىز ەتۋ دەپارتامەنتىنىڭ باسشىسى ارمان ەشمۇراتوۆ قۇقىقتىق مادەنيەت قالىپتاستىرۋدا جەكە جاۋاپكەرشىلىك پەن ۇجىمدىق قاۋىپسىزدىكتىڭ ماڭىزدىلىعىن تالقىلادى، وسى تۇرعىدا ادامنىڭ قۇندىلىق رەتىندە باعدارىنا نازار اۋداردى.
تالقىلاۋلارعا ەكونوميكا، ساياساتتانۋ، مەملەكەتتىك باسقارۋ جانە گۋمانيتارلىق عىلىمدار سالاسىنداعى جەتەكشى ساراپشىلار قاتىستى.
