قازاقستاندىق تانىمال اكتەر، "قۇرمەت" وردەنىنىڭ يەگەرى ءۇسىپحان ابدىكەرىمۇلى قايتىس بولدى. قارالى حاباردى عابيت مۇسىرەپوۆ تەاترىنىڭ ءباسپاسوز قىزمەتى جەتكىزدى، دەپ حابارلايدى “ادىرنا” ۇلتتىق پورتالى.
"جەلتوقسان كوتەرىلىسىنىڭ" قاھارمانى، "قۇرمەت" وردەنىنىڭ يەگەرى، اكتەر ءۇسىپحان ابدىكەرىمۇلىنىڭ قازاسىنا قايعىرا كوڭىل ايتامىز. مارقۇمنىڭ توپىراعى تورقا، جاتقان جەرى جايلى بولسىن. جاقىندارى مەن وتباسىنىڭ جانە قىزمەت ەتكەن م.اۋەزوۆ اتىنداعى قازاق ۇلتتىق دراما تەاترىنىڭ اۋىر قايعىسىنا ورتاقپىز", - دەلىنگەن رەسمي حابارلامادا. ءۇسىپحان ابدىكەرىمۇلى 1990 جىلى تەاترىمىزدىڭ اكتەرلىك قۇرامىنا قابىلدانىپ، س.بالعاباەۆتىڭ "ەڭ ادەمى كەلىنشەگىندە" ابدوللا، "قىز جيىرماعا تولعاندا" دراماسىندا ەسىمسەيىت، د.يسابەكوۆتىڭ "اناسىن اڭساعان قىزىندا" سمات ءرولىن سومداپ، ونەر وشاعىندا 1999 جىلعا دەيىن قىزمەت ەتتى.
