Qazaqstandyq tanymal akter, "Qurmet" ordeniniń ıegeri Úsiphan Ábdikerimuly qaıtys boldy. Qaraly habardy Ǵabıt Músirepov teatrynyń baspasóz qyzmeti jetkizdi, dep habarlaıdy “Adyrna” ulttyq portaly.
"Jeltoqsan kóterilisiniń" qaharmany, "Qurmet" ordeniniń ıegeri, akter Úsiphan Ábdikerimulynyń qazasyna qaıǵyra kóńil aıtamyz. Marqumnyń topyraǵy torqa, jatqan jeri jaıly bolsyn. Jaqyndary men otbasynyń jáne qyzmet etken M.Áýezov atyndaǵy Qazaq ulttyq drama teatrynyń aýyr qaıǵysyna ortaqpyz", - delingen resmı habarlamada. Úsiphan Ábdikerimuly 1990 jyly teatrymyzdyń akterlik quramyna qabyldanyp, S.Balǵabaevtyń "Eń ádemi kelinsheginde" Abdolla, "Qyz jıyrmaǵa tolǵanda" dramasynda Esimseıit, D.Isabekovtiń "Anasyn ańsaǵan qyzynda" Smat rólin somdap, óner oshaǵynda 1999 jylǵa deıin qyzmet etti.
