سيريادان قانشاما انالار بالالارىمەن ورالدى. ولار ارنايى وڭالتۋ ورىندارىنا ورنالاستىرىلدى. يا اتا-انالارى شالىس باستى، سول ءۇشىن بالالارى جاۋاپ بەرۋ كەرەك پە؟ بالالار قوعامعا قوسىلۋعا دايىن با؟ ولارعا قانداي كومەك بەرىلىپ جاتىر؟ سوعىس كورىپ كەلگەن بالالار مەكتەپ تابالدىرىعىن بيىل اتتايدى ما؟ ولاردىڭ پسيحولوگيالىق جاعدايى قالاي؟ وسى جايلى بالالاردىڭ قۇقىعىن قورعايتىن وبۋدسمەن ارۋجان ساين جاۋاپ بەرە الادى ما؟
ال ءبىلىم ءمينيسترى اسحات مىرزا نە دەيدى ەكەن؟
سيريادان كەلگەن بالالاردى وقشاۋلاپ ۇستايمىز با، الدە قوعامعا ارلاستىرامىز با؟ سيريادان قانشاما بالانى الىپ كەلدىك "جۋسان" وپەراتسياسىمەن. ەندى ول بالالاردىڭ جاعدايى قالاي؟ جاڭا وقۋ جىلىنا دايىن با؟ بالالار ءبىزدىڭ بولاشاعىمىز، جاساپ جاتقان ءاربىر ءىسىمىز ءوسىپ كەلە جاتقان ۇرپاق ءۇشىن. ۇيدەگى بالانى عانا ەمەس، وزگە بالاعا دا كوڭىل ءبولۋ كەرەك. قوعام تەك سەنىڭ بالاڭمەن قۇرالمايدى.
ەلگە 686 بالانى الىپ كەلدى بۇگىنگى تاڭدا. وسى بالالاردىڭ تاعدىرى قالاي بولىپ جاتىر؟
كىم ماعلۇمات بەرە الادى؟
مەملەكەتتەن قانداي كومەك الىپ وتىر؟ وسى سۇراقتار مەنى مازالاپ ءجۇر. سەبەبى بۇلار ءبىزدىڭ قوعامنىڭ ءبىر بولىگى. ولارعا نەمقۇرايلى، جامان كوزبەن قاراۋعا بولمايدى. كەرىسىنشە قوعامنان بولەكتەمەي، ەلىمىز ءۇشىن كۇرەسەتىن پاتريوت جاستاردى تاربيەلەۋىمىز كەرەك!
ايگۇل ورىنبەك
"ادىرنا" ۇلتتىق پورتالى
