پاۆلودار وبلىسىندا 14 ملرد تەڭگەگە تاۋارلى-ءسۇت فەرماسى سالىنۋدا، دەپ حابارلايدى “ادىرنا” ۇلتتىق پورتالى اۋىل شارۋاشىلىعى مينيسترلىگىنىڭ ءباسپاسوز قىزمەتىنە سىلتەپ.
«شارۋاشىلىق 1892 باس مالعا ەسەپتەلگەن. جوبانىڭ قۇنى 14 ملرد تەڭگەنى قۇرايدى، قازىر بۇزاۋ قورالارى مەن ساۋىن الاڭىنىڭ قۇرىلىسى اياقتالدى»، - دەلىنگەن حابارلامادا.
ءسۇت فەرماسىنىڭ قۇرىلىسى 2023 جىلى باستالعانى حابارلاندى. وبلىستا بارلىعى 36 تاۋارلى-ءسۇت فەرماسى بار.
سونداي-اق، ءىرى ستف-تەر شەتەلدىك وندىرۋشىلەردىڭ جابدىقتارىن پايدالانادى.
«سولتۇستىك قازاقستان وبلىسىنىڭ تاجىريبەسىن كەڭەيتۋ اياسىندا وبلىسقا التى ءسۇت-تاۋار فەرماسىن سالۋعا جانە كەڭەيتۋگە 10 ملرد تەڭگە ءبولىندى. ونىڭ ىشىندە ءتورت «اگرو ترەيد پۆ»، «گاليتسكوە»، «ۇشتەرەك ي ك» جشس جانە «پلوۋمان» شارۋا قوجالىعى جۇمىس ىستەپ تۇر»، - دەلىنگەن حابارلامادا.
