الماتىدا 114 ميلليون تەڭگەگە جاساندى جالعان برەند تاۋارلار ساتقان الاياق سوتتالدى، دەپ حابارلايدى “ادىرنا” ۇلتتىق پورتالى قالالىق سوتتىڭ ءباسپاسوز قىزمەتىنە سىلتەپ.
«سوت سوتتالۋشى ح.-نى قىلمىستىق كودەكستىڭ 190-بابىنىڭ 4-بولىگىنىڭ 2-تارماعىمەن كىنالى دەپ تانىپ، بەس جىل التى ايعا باس بوستاندىعىنان ايىرۋ جازاسىن تاعايىندادى. بۇل جازا جەڭىلدەتىلگەن تۇردە، سونىڭ ىشىندە بۇرىن-سوڭدى سوتتىلىعىنىڭ بولماۋى ەسكەرىلە وتىرىپ تاعايىندالدى»، - دەلىنگەن حابارلامادا.
ايتۋىنشا، سوتتالۋشى جۋرنالداردىڭ بىرىندە برەند-ديرەكتور بولىپ جۇمىس ىستەپ ءجۇرىپ، جابىرلەنۋشى ك-مەن كەزدەسىپ، قالىپتاسقان دوستىق قارىم-قاتىناستىڭ ارقاسىندا ولار الماتىدا جانە شەتەلدە قوعامدىق شارالارعا بىرگە قاتىسقان.
ءوزىن ءسان ۇيلەرى مەن برەندتىك دۇكەندەردىڭ قىزمەتكەرىمىن دەپ تانىستىرعان ح. جاڭا تانىستارىنا رەسمي دۇكەندەردەگىدەن ارزان باعادا تۇپنۇسقا اشەكەي بۇيىمدار مەن فيرمالىق تاۋارلاردى بەرۋگە ۋادە ەتكەن.
مالىمەتتەرگە سايكەس، جابىرلەنۋشىلەردىڭ ءبىرى وعان سومكە ءۇشىن 14,5 ميلليون تەڭگە بەرگەن، سومكە جالعان برەند بولىپ شىققان. ءدال وسى سحەما بويىنشا سوتتالۋشىنىڭ شوتىندا جالپى سوماسى 114 ميلليون تەڭگەنى قۇرايتىن الاياقتىقتىڭ تاعى جەتى ەپيزودى تىركەلدى.
ايىپتالۋشى تەك كۋرەر رەتىندە تاۋار جەتكىزگەنىن ايتىپ، ءوز كىناسىن مويىندامادى.
