Almatyda 114 mıllıon teńgege jasandy jalǵan brend taýarlar satqan alaıaq sottaldy, dep habarlaıdy “Adyrna” ulttyq portaly qalalyq sottyń baspasóz qyzmetine siltep.
«Sot sottalýshy H.-ny Qylmystyq kodekstiń 190-babynyń 4-bóliginiń 2-tarmaǵymen kináli dep tanyp, bes jyl alty aıǵa bas bostandyǵynan aıyrý jazasyn taǵaıyndady. Bul jaza jeńildetilgen túrde, sonyń ishinde buryn-sońdy sottylyǵynyń bolmaýy eskerile otyryp taǵaıyndaldy», - delingen habarlamada.
Aıtýynsha, sottalýshy jýrnaldardyń birinde brend-dırektor bolyp jumys istep júrip, jábirlenýshi K-men kezdesip, qalyptasqan dostyq qarym-qatynastyń arqasynda olar Almatyda jáne shetelde qoǵamdyq sharalarǵa birge qatysqan.
Ózin sán úıleri men brendtik dúkenderdiń qyzmetkerimin dep tanystyrǵan H. jańa tanystaryna resmı dúkenderdegiden arzan baǵada túpnusqa áshekeı buıymdar men fırmalyq taýarlardy berýge ýáde etken.
Málimetterge sáıkes, jábirlenýshilerdiń biri oǵan sómke úshin 14,5 mıllıon teńge bergen, sómke jalǵan brend bolyp shyqqan. Dál osy shema boıynsha sottalýshynyń shotynda jalpy somasy 114 mıllıon teńgeni quraıtyn alaıaqtyqtyń taǵy jeti epızody tirkeldi.
Aıyptalýshy tek kýrer retinde taýar jetkizgenin aıtyp, óz kinásin moıyndamady.
