Almatyda 114 million teŋgege jasandy jalǧan brend tauarlar satqan alaiaq sottaldy, dep habarlaidy “Adyrna” ūlttyq portaly qalalyq sottyŋ baspasöz qyzmetıne sıltep.
«Sot sottaluşy H.-ny Qylmystyq kodekstıŋ 190-babynyŋ 4-bölıgınıŋ 2-tarmaǧymen kınälı dep tanyp, bes jyl alty aiǧa bas bostandyǧynan aiyru jazasyn taǧaiyndady. Būl jaza jeŋıldetılgen türde, sonyŋ ışınde būryn-soŋdy sottylyǧynyŋ bolmauy eskerıle otyryp taǧaiyndaldy», - delıngen habarlamada.
Aituynşa, sottaluşy jurnaldardyŋ bırınde brend-direktor bolyp jūmys ıstep jürıp, jäbırlenuşı K-men kezdesıp, qalyptasqan dostyq qarym-qatynastyŋ arqasynda olar Almatyda jäne şetelde qoǧamdyq şaralarǧa bırge qatysqan.
Özın sän üilerı men brendtık dükenderdıŋ qyzmetkerımın dep tanystyrǧan H. jaŋa tanystaryna resmi dükenderdegıden arzan baǧada tüpnūsqa äşekei būiymdar men firmalyq tauarlardy beruge uäde etken.
Mälımetterge säikes, jäbırlenuşılerdıŋ bırı oǧan sömke üşın 14,5 million teŋge bergen, sömke jalǧan brend bolyp şyqqan. Däl osy shema boiynşa sottaluşynyŋ şotynda jalpy somasy 114 million teŋgenı qūraityn alaiaqtyqtyŋ taǧy jetı epizody tırkeldı.
Aiyptaluşy tek kurer retınde tauar jetkızgenın aityp, öz kınäsın moiyndamady.
Ūqsas jaŋalyqtar
