تۇركىستان پوليتسياسىنا جەرگىلىكتى تۇرعىن شاعىم ءتۇسىردى. ونىڭ حابارلاۋىنشا، تانىسى قۇرىلىس جۇمىستارىنا ارنالعان تەمىر قالىپتار مەن قازىقتارىن جالعا الىپ، كەيىن ساتىپ جىبەرگەن، دەپ حابارلايدى "ادىرنا" ۇلتتىق پورتالى.
- الاياقتىق قۇربانى بولعانىن جابىرلەنۋشى پوليتسيا قىزمەتكەرلەرىنەن كومەك سۇرايدى. جابىرلەنۋشىگە كەلگەن شىعىن – 1 ميلليون تەڭگە، دەپ جازدى، Polisia.kz.
اتالعان جايت قر قك-ءنىڭ 190-بابى (الاياقتىق) بويىنشا تىركەۋگە الىندى. تۇركىستان قپب پوليتسەيلەرىنەن جەدەل-تەرگەۋ توبى قۇرىلىپ، كۇدىكتىنى ۇستاۋعا بارلىق كۇش جۇمىلدىرىلدى.
ناتيجەسىندە جۇمىسسىز، جەرگىلىكتى تۇرعىن ەر ادام ۇستالدى. بەلگىلى بولعانداي، كۇدىكتى ەر ادام قۇرىلىس جۇمىستارىن جۇرگىزەمىن دەپ تانىسىنىڭ 25 تەمىر قالىپى مەن 64 قازىعىن العان.
الايدا كۇدىكتى تەمىرلەردى ءوزىنىڭ ارام ويىن جۇزەگە اسىرۋ ماقساتىندا الىپ، تەمىر قابىلداۋ ورنىنا وتكىزىپ جىبەرگەنى بەلگىلى بولدى.
قازىرگى تاڭدا كۇدىكتى قاماۋعا الىنىپ، وعان قاتىستى سوتقا دەيىنگى تەرگەۋ امالدارى جۇرگىزىلىپ جاتىر.
"ادىرنا" ۇلتتىق پورتالى
