بۇگىن، 30 تامىزدا «استانا» فۋتبول كلۋبىنىڭ كونفەرەنتسيا ليگاسىنداعى قارسىلاستارى انىقتالدى، دەپ حابارلايدى «ادىرنا» ءتىلشىسى.
ەلوردالىق كلۋب جاڭا فورماتقا بايلانىستى نەگىزگى كەزەڭدە 6 ويىن وتكىزەدى. ونىڭ ۇشەۋى ۇيدە، ۇشەۋى قوناقتا وتەدى.
«استانا» كلۋبى ءوز الاڭىندا «چەلسي»، «ۆيتوريا گيماراينش» جانە تستس كوماندالارىمەن كەزدەسسە، ال قوناقتا اپوەل، «نيۋ-سەينتس» جانە «پافوس» كوماندالارىنا قارسى وينايدى.
ەسكە سالايىق، بۇعان دەيىن «استانا» كونفەرەنتسيا ليگاسىنىڭ پلەي-وفف كەزەڭىندە نورۆەگيالىق «براننمەن» ويناپ، 3:0 ەسەبىمەن ۇتقان ەدى.
