پورتۋگاليالىق فۋتبولشى كريشتيانۋ رونالدۋ مانسابىنىڭ اياقتالۋعا جاقىن ەكەنىن مالىمدەدى. بۇل تۋرالى ول Vogue جۋرنالىنا بەرگەن سۇحباتىندا ءبولىستى، دەپ حابارلايدى «ادىرنا» ءتىلشىسى.
ونىڭ ايتۋىنشا، كاسىبي فۋتبولداعى 25 جىل ىشىندە كوپتەگەن قۇرباندىققا بارۋعا تۋرا كەلگەن. ەندى ول وتباسىنا جانە سپورتتان تىس ومىرىنە كوبىرەك ۋاقىت بولگىسى كەلەدى.
«بۇل مەنىڭ فۋتبولداعى سوڭعى جىلىم بولۋى مۇمكىن جانە وزىمنەن كەيىن جارقىن ءىز قالدىرعىم كەلەدى»، – دەدى شابۋىلشى.
سونداي-اق 2026 جىلعى الەم چەمپيوناتى پورتۋگاليالىق جۇلدىزدىڭ مانسابىنداعى سوڭعى مۋنديال بولعانى ايتىلدى. رونالدۋ تۋرنيردە بەس ماتچ وتكىزىپ، ءۇش گول سوققان. الايدا پورتۋگاليا قۇراماسى شيرەك فينالعا شىعا المادى. كوماندا 1/8 فينال كەزەڭىندە يسپانيادان 0:1 ەسەبىمەن جەڭىلىپ، جارىستى اياقتادى.
ۇقساس جاڭالىقتار
