قازاقستاندىق بوكسشى ءارى ۇلتتىق وليمپيادا كوميتەتى مەن World Boxing فەدەراتسياسىنىڭ پرەزيدەنتى گەننادي گولوۆكين ۋكراينانىڭ «ميروتۆورەتس» سايتىنىڭ دەرەكقورىنا ەنگىزىلدى. بۇل تۋرالى ريا نوۆوستي جازدى، دەپ حابارلايدى "ادىرنا".
سايتتاعى گولوۆكينگە قاتىستى جازبا 15 تامىزدا جاريالانعان. وندا قازاقستاندىق سپورت قايراتكەرى رەسەي سپورتشىلارىنا قاتىستى شەكتەۋلەردى الىپ تاستاعان حالىقارالىق فەدەراتسيانىڭ شەشىمىنە بايلانىستى سىنعا الىنعان.
«ميروتۆورەتس» اكىمشىلىگى گولوۆكيندى «رەسەي اگرەسسياسى مەن ۋكراينا ازاماتتارىنىڭ ءولتىرىلۋىن جاريا تۇردە قولدادى» دەپ ايىپتاعان. الايدا بۇل تۇجىرىم ونىڭ جەكە مالىمدەمەسىنە ەمەس، ءوزى باسقاراتىن World Boxing ۇيىمىنىڭ قابىلداعان شەشىمىنە نەگىزدەلگەن.
ايتا كەتەيىك، World Boxing اتقارۋشى كوميتەتى 30 شىلدەدە رەسەيلىك بوكسشىلارعا قاتىستى قولدانىستا بولعان سوڭعى شەكتەۋلەردى الىپ تاستاۋ تۋرالى شەشىم قابىلداعان. وسىدان كەيىن رەسەي سپورتشىلارىنىڭ حالىقارالىق جارىستارعا قاتىسۋىنا قاتىستى تالاپتار جەڭىلدەتىلدى.
