Бүгін, 30 тамызда «Астана» футбол клубының Конференция лигасындағы қарсыластары анықталды, деп хабарлайды «Адырна» тілшісі.
Елордалық клуб жаңа форматқа байланысты негізгі кезеңде 6 ойын өткізеді. Оның үшеуі үйде, үшеуі қонақта өтеді.
«Астана» клубы өз алаңында «Челси», «Витория Гимарайнш» және ТСЦ командаларымен кездессе, ал қонақта АПОЭЛ, «Нью-Сейнтс» және «Пафос» командаларына қарсы ойнайды.
Еске салайық, бұған дейін «Астана» Конференция лигасының плей-офф кезеңінде норвегиялық «Браннмен» ойнап, 3:0 есебімен ұтқан еді.
