وليمپيادا جانە الەم چەمپيونى، قازاقستاندىق بوكسشى دانيار ەلەۋسىنوۆ الەۋمەتتىك جەلىدەگى جازباسىندا ىشىمدىككە تاۋەلدىلىك ماسەلەسىمەن كۇرەسىپ جاتقانىن ايتتى، دەپ حابارلايدى "ادىرنا" ۇلتتىق پورتالى.
سپورتشى قازىر وڭالتۋدان ءوتىپ جاتقانىن ايتىپ، بەينە تۇسىرگەن.
ەلەۋسىنوۆتىڭ ايتۋىنشا، وليمپيادادان كەيىن ىشىمدىككە اۋەستىگى كۇشەيىپ، ۋاقىت وتە كەلە بۇل ادەت دەنساۋلىعىنا جانە ومىرىنە كەرى اسەر ەتكەن. بوكسشى قازىر ارنايى وڭالتۋ كۋرسىنان ءوتىپ، ءوز ماسەلەسىن شەشۋگە تىرىسىپ جاتقانىن جەتكىزدى. ول قوعام وكىلدەرىنەن ءوزىن سىناماۋدى جانە مازاق ەتپەۋدى سۇرادى. سپورتشى ءار ادامنىڭ ومىرىندە ءتۇرلى سىناق بولاتىنىن اتاپ ءوتىپ، قيىن كەزەڭنەن ءوتۋ ءۇشىن جاقىندارىنىڭ قولداۋى ماڭىزدى ەكەنىن ايتتى. سونىمەن قاتار ول بۇعان دەيىنگى سپورتتىق جەتىستىكتەرىن ەسكە سالدى.
ەلەۋسىنوۆ بولاشاقتا اقش-قا قايتا ورالىپ، Zuffa چەمپيونى اتانۋدى ماقسات ەتىپ وتىرعانىن حابارلادى. وسىعان بايلانىستى ول قازاقستاندىقتاردى ءوزىن داتتاماي، كەرىسىنشە قولداۋعا شاقىردى.
ايتا كەتەيىك، 2026 جىلدىڭ شىلدەسىندە استانادا دانيار ەلەۋسىنوۆ كولىكتى ماس كۇيدە باسقارعان. ول Toyota Land Cruiser اۆتوكولىگىمەن پاركينگ قاقپاسىنا سوعىلعان. كەيىن وقيعا ورنىنان كەتۋگە ارەكەت جاساپ، تاعى بىرنەشە كولىككە سوقتىعىسقان. اپات سالدارىنان ەشكىم زارداپ شەككەن جوق.
دانيار ەلەۋسىنوۆ 2016 جىلعى برازيلياداعى وليمپيادا ويىندارىنىڭ چەمپيونى, ازيادا-2010 جەڭىمپازى، 2013 جىلعى الماتى قالاسىندا وتكەن اۋەسقوي بوكستان 69 كگ سالماقتا الەم چەمپيونى، حالىقارالىق سپورت شەبەرى.
