وبلىس اكىمى ناريمان تورەعاليەۆ جۇمىسسىز تۇرعىندارعا بوس جۇمىس ورىندارىن ۇسىنۋ، جاستارعا بولاشاقتا ماماندىق تاڭداۋعا جاردەمدەسۋ، كاسىبىن اشۋعا باعىت باعدار بەرۋ ماقساتىندا ۇيىمداستىرىلعان «Talpyn» مۇمكىندىكتەر الاڭى شاراسىنا قاتىستى.
«مەملەكەت باسشىسى قاسىم-جومارت كەمەلۇلى توقاەۆ اتاپ وتكەندەي، وتانداستارىمىز الەۋمەتتىك قولداۋدىڭ يگىلىگىن كورۋ ءتيىس. سوعان سايكەس، ەلىمىزدە حالىقتى الەۋمەتتىك قولداۋ ماقساتىندا بىرقاتار شارالار جۇزەگە اسىرىلۋدا. مەملەكەت تاراپىنان ءتۇرلى نەسيەلەر مەن گرانتتار بولىنۋدە. گرانت العاندار بۇگىندە مال، قۇس شارۋاشىلىعىن دامىتۋ، باۋ-باقشا سالۋ، كونديتەرلىك، نان ونىمدەرىن ءوندىرۋ، تىگىنشىلىك، اۆتوكولىك جوندەۋ، قوسىمشا ءبىلىم بەرۋ، ءارتۇرلى قىزمەتتەر كورسەتۋ جانە ت.ب. باعىتتار بويىنشا ەڭبەك ەتۋدە، - دەدى وبلىس اكىمى.
سونىمەن قاتار ءوڭىر باسشىسى ەڭبەك سالاسىندا جوعارى ناتيجەلەرگە قول جەتكىزگەن، جاڭا جۇمىس ورىندارىن اشىپ، جەرگىلىكتى تۇرعىندارىمىزدى جۇمىسپەن قامتىپ وتىرعان كاسىپكەرلەردى ماراپاتتادى.
شارا بارىسىندا ورتالىق الاڭدا بەلسەندى جاستارمەن كەزدەسۋ، قۇزىرلى ورگان، بانك ماماندارىنىڭ كەڭەستەرىن الۋعا جانە دە قايتارىمسىز گرانت يەگەرلەرىنىڭ شەبەرلىك ساعاتتارى ۇيىمداستىرىلىپ، it سالاسىنداعى، قولونەرشىلەردىڭ كورمەلەرى ۇسىنىلدى.
