Oblys ákimi Narıman Tóreǵalıev jumyssyz turǵyndarǵa bos jumys oryndaryn usyný, jastarǵa bolashaqta mamandyq tańdaýǵa járdemdesý, kásibin ashýǵa baǵyt baǵdar berý maqsatynda uıymdastyrylǵan «Talpyn» múmkindikter alańy sharasyna qatysty.
«Memleket basshysy Qasym-Jomart Kemeluly Toqaev atap ótkendeı, otandastarymyz áleýmettik qoldaýdyń ıgiligin kórý tıis. Soǵan sáıkes, elimizde halyqty áleýmettik qoldaý maqsatynda birqatar sharalar júzege asyrylýda. Memleket tarapynan túrli nesıeler men granttar bólinýde. Grant alǵandar búginde mal, qus sharýashylyǵyn damytý, baý-baqsha salý, kondıterlik, nan ónimderin óndirý, tiginshilik, avtokólik jóndeý, qosymsha bilim berý, ártúrli qyzmetter kórsetý jáne t.b. baǵyttar boıynsha eńbek etýde, - dedi oblys ákimi.
Sonymen qatar óńir basshysy eńbek salasynda joǵary nátıjelerge qol jetkizgen, jańa jumys oryndaryn ashyp, jergilikti turǵyndarymyzdy jumyspen qamtyp otyrǵan kásipkerlerdi marapattady.
Shara barysynda ortalyq alańda belsendi jastarmen kezdesý, quzyrly organ, bank mamandarynyń keńesterin alýǵa jáne de qaıtarymsyz grant ıegerleriniń sheberlik saǵattary uıymdastyrylyp, it salasyndaǵy, qolónershilerdiń kórmeleri usynyldy.
