قازاقستاندىق ءانشى ديماش قۇدايبەرگەن ء"بىزدىڭ ءان" اتتى قىتايداعى مۋزىكالىق شوۋىندا "التىن اۋەن" سىيلىعىن جەڭىپ الدى، دەپ حابارلايدى "ادىرنا" ۇلتتىق پورتالى.
ديماش قىتايلىق ءانشى حۋان سياويۋنمەن بىرگە "Red Moon Rules" ءانىن ورىنداسا، تاعى ءبىر قىتايلىق تانىمال ءانشى گون ليننامەن بىرگە "Become a Poet" ءانىن شىرقادى.
باعدارلاما كەزىندە ديماش تەك ءان ايتىپ عانا قويعان جوق، قىتايلىق انشىلەرگە قازاق ءتىلىن دە ۇيرەتتى. ال، قىتايلىق انشىلەر ديماشقا قىتايشا ءان ايتۋىنا كومەكتەسكەن.
باعدارلاما سوڭىندا، ديماشتىڭ ورىنداۋىنداعى "Become a Poet" ءانى التىنشى ماۋسىم التىنشى كەزەڭىنىڭ "التىن اۋەنى" سىيلىعىن جەڭىپ الدى.
ء"بىزدىڭ ءان" مۋزىكالىق تەلەشوۋىنىڭ التىنشى ماۋسىمى 21 شىلدەدە كوگىلدىر ەكراننان كورسەتىلە باستادى. بۇل شوۋ قىتايدا كورىلىمى ەڭ جوعارى باعدارلامالار قاتارىنا جاتادى.
